ابوذيات اعجبتني

[لحن الوفاءءءءء]

صرت كهوه لحبيبي بوسط فنجان
فن انس الي يوصله فن جان
اذا العاقل نضرلك نضره فنجن
وانه المجنون وتكلي انظر اليه

[لحن الوفاءءءءء]

احبك من جنت جاهل واناحباي
مابطل وني عليك ونحباي
لون ينكضي نحبك ونحباي
يتلاكه هوانا جوه الوطيه

[لحن الوفاءءءءء]

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

[لحن الوفاءءءءء]

يمرمرني ويصيحن بيه همال
وترك دمعي عله الوجنات همال
تعدل حالي وبفركاه هم مال
تركني وراح ريته يعود اليه

[لحن الوفاءءءءء]

جيتك وبظلام الليل ...عناي
وعزفت بروحي مية جرح...عناي
بعد ما ظنك تنشد...عناي
بعد هجرك يروح الروح اليه

[لحن الوفاءءءءء]

فراكك هدني ولا خله بيه ابد حيل
وياهو اشكيله يكلي يستاهل والف حيل
كلما تدوس على كلبي اكولن بعد حيل
دوس وخلي الوجع يزداد بيه

[لحن الوفاءءءءء]

منو مثلي تعب لجلك وداراك ؟
جهنم لجلك اتحمل و(داراك)
عسا من غيرك يسمر وداراك
ابسكم لا للحيا ولا للمنيه

[لحن الوفاءءءءء]

حبيبي شرد اسولفلك...ولكدر
والهموم مبن ماعاين...ولكدر
الي جان وكتي ...ولكدر
وصرت انته والوكت عليه