متعجبين...... بقلمي جديد

[الشاعر محمد الحميداوي]

متعجبين
احنه بحمورابي الهسه متعجبين
شلون انشأ مسله وكتب فوك الطين
متعجبين وبكان ابي الهسه احنه متمسكين
ماخذنه الغرور بزمن وله وراح
والعالم عله المريخ متونسين
نجلب بالتفاهه ونحجي بالتاريخ
ياتاريخ هذا وماكو عدنه طحين
نعيش اصعب وضع ويه الحظارات
من اور واكد كلي احنه شمحصلين
وياماضي النفع ويانه وكت العوز
اشو حاضرنه ضاع ومنه خسرانين
جبنه احنه العمر مابين اه واوف
نحلم بالضوه الفاركنه من سنين
مستقبل شعب مجهول بالتحرير
اجتنه احزاب كومه ومنه شمحصلين
اشو تموز اجانه وسكتت البنكات
وضل شعب الحظاره يهفي بالجفين
العن كل بطوله وارجم التاريخ
شنفعتني السنين الماتت من سنين
بقلمي
محمد الحميداوي

[شاطئ السلام]

الله عليك يامحمد قصيدة جميلة جدا
عاشت الايادي
لك خاص تقديري واحترامي

[الشاعر محمد الحميداوي]

الاروع هو مرورك اميرة الروح لك مني ك الود يارائع

[سلام الدراجي]

جبنه احنه العمر مابين اه واوف
نحلم بالضوه الفاركنه من سنين
مستقبل شعب مجهول بالتحرير
اجتنه احزاب كومه ومنه شمحصلين
اشو تموز اجانه وسكتت البنكات
وضل شعب الحظاره يهفي بالجفين

صح السانك اخي محمد وعاشت ايدك
قصيده غايه في الروعه
وكعت على الجرح
تحياتي مع الموده
سلام الدراجي

حياك حياك ياابو جاسم الوردة كلمات اكثر من رائعة حجيك ذهب ياذهب وتقبل هديتي لك

[كبريــاء رجـل]

ااااالله عليك حبيبي الغالي شاعرنا المتألق محمد قصيدة رووووعه سلمت يداك ياغالي تحياتي الكـ

[الشاعر محمد الحميداوي]

الاخ الشاعر سلام الدراجي لك مني كل الحب اشكر مرورك

[الشاعر محمد الحميداوي]

محي اصلج فاتن اشكر مرورج الرائع سمو الاميره الغاليه واشكرك كل الشكر على ما اهديتيني لك مني كل الود