هذا حال المشرفين في المنتديات (حقيقه واقعيه)
هذا حال المشرفين في المنتديات
والله يكسروون الخاطر مايستاهلوون هههههههههههه
شوفوا الرسايل ونوعيتها الي توصل للمشرفين ....
الرسالة الأولى :
السلام عليكم ...
كيفك مشرفنا .. اقولك استاذنك اخوي أنا اضفت موضوع بس معرف شكله نزل ثلاث مرات بالغلط أحذف أي واحد فيهم .. اللي يعجبك أنت بس أشر واحذف ..
الرسالة الثانية :
هلا مشرفنا ..... اقولك شووف ترى في عضو قاعدلي كل موضوع يرد علي ويهينني قدام الأعضاء ... ترى لو مامسكته اسوي شي عمره ماصار ... واقلبلكم المنتدى .. وقد اعذر من بنجر ...اقصد من انذر
الرسالة الثالثة :
ياااأبو الشبااااااااااااب ألحقني ... كل ما أدخل المنتدى يطلعني بره ... ومو يريد يدخلني شني السالفه لا يكون الدخول بفلوس ...
الرسالة الرابعة :
هاااي مشرفنا ... ممكن لو سمحت تعدل اسمي من الحلوة الى ملكة جمال المنتديات <<<<<<<< مصدقه نفسهاا
الرسالة الخامسة:
شلونك عمري ... عساك زين .. الصراحة شخصيتك عاجبتني ولك هيببة في المنتدى بس ياريت يعني اذا نزلت موضوع ثبتلي اياه ترى انا زعلانة محد يثبتلي مواضيعي
الرسالة السادسة :
اخوي اقلك شووف ماراح اسلم عليك ولا شي انت أصلاُ ماتستاهل كل ما انزل موضوع تحذفه لي .. عجيب والله ... ياخي مافيها شي لو الواحد يضحك شوية نفرح مع هندي ولا باكستاني .. ايزي يااخييييي
الرسالة السابعة :
مساك الله بالخير سوبر ستار المنتدى ...
اخوي الصراحة انا خجلان منك اريد أطلب طلب بسيط ... يعني انا اريد اتعرف كيف المشرف يتعامل مع المواضيع وكيف الطريقة يعني بالعربي الفصيح اريد الباسوورد مال نك نيمك اذا تكرمت ... هع هع هع
الرسالة الثامنه:
حبيب قلبى... كيفك حبي .. عرفتني أنا فلانة .. واحشني كثيير ... اقلك كلمني عالمسنجر ضروري ... بااااااااااي <<<< طبعا تمساح مسجل بنك بنية
الرسالة التاسعه:
من المشرف العام
السلام عليكم .. اخواني المشرفين
الاحظ كثرة الشكاوي من الأعضاء وكثرة المشاكل أرجوا تهدئة الأمور بأسرع وقت .. وان تفعل أي شي لمصلحة المنتدى ... وشكرا ....
بعدها طلب استقالته فورا وريح دماغه ...
وبعد يومين جاه طلب اشراف في منتدى ثاني ...
قال ... لو يعطوني راتب 1000000 في الشهر ماراح اوافق
هههههههههههه عود هم صاير عصبي هع هع هع هع
رد مع اقتباس
رد: هذا حال المشرفين في المنتديات (حقيقه واقعيه)
.gif "66 (185)")
.gif "66 (72)")
