اظل مجنون بيك..مسودن اهواك..
ضايع من گبل ما عندي عنوان..وشفت عنوان روحي من لكيتك
حسبالك اروح بسرعه ونساك..خو جان من الاول ما هويـــــتك
أنه مفضوح خلها تسولف الناس..حلو حجي الغرام ايعلي صيتك
ترى العاشك بريء والله يهواه..لذلك ربك انطاك اعلى نيـــــــتك
وسولف عني كلشي وكول شتكول..انه اختاريتك انت وهاي هيه
اكو هوايه بشر بس انت يا زين..طبعت اسوالفك حنه اعلى اديه
ولهذا السبب حبيت الجــــــفوف..لان بجفوفي ورداتك نــــــــــديه
اكولن اوف من حبك الف اوف..واكول انساك واعكسها القضيه
هواي اعلى الكلب مرو محبين..ولكن هاجرو من غير جـــــــــيه
ونت تغيب عن الروح وتروح..وامن لن غرامك عاش بــــــــــيه
اكو مرات اكولن راح ونساك..واحس كلبي بحقد يزعل عليــــــه
وكو مرات اكول انساك وتروح..واجيبك لو ممات اتصير الــــيه
احنه اثنين لكن في فرد روح..حتى ادروبنه يمشن ســــــــــــويه
اذا فرحان انت آنــــه فرحان..واذا تحزن كبر حزنــــــــــي بأذيـه
مرات البليه توكع اعليك..وتجي وتوكع علي نفس البلــــــــــــيه
ما أدري الغرام اشسوه وياي..العشك عذب كليبي اشسوه بــــيه
اضيع بكل درب بس كون الاكيك..ودور ذيج هيه وهاي هــــــــيه
ومن كد ما صرت دكتور بالشوك..فتحت الروح لجلك صيدلــــــيه
اكو واحد يجي ويكول مليت..واكله انسه لان غش بالقضـــــــــيه
وكو واحد يجيني ايكول الله..اكله انت اطمئن صافيه النــــــــــــيه
صرت لجلك خبير بعالم الشوك..بروف وخبرتي جن جامــــــــعيه
وتجيني وتعتني الاجيال ونوب..وصل صيتي البلاد الاجنــــــــــبيه
.................................................. ........................
عدي فريد .......مع تحياتي..
رد مع اقتباس
