أول مـا اذكـــــــــــــرك تهمل العين

[الشيخ ابوحيدر]

ماظل حبرعندي وقلمي خلصــان

كَمت اترس دموع بشيشة احباري

أبسمار اكتبت كــــل ذكرياتي وياك

على كَلبي ألكتابه بحفـــــر بسماري

أول مـا اذكـــــــــــــرك تهمل العين

وبعــــــدهن ذكريتك شاغله افكاري

اخافن لا الـﭼـمـك وانته بيه جروح

وعيب الـﭼــــــم حبيبي وهو خطاري

بطاريك نسولف كـــــــــل سواد الليل

وي جرحــــــك أسولف ماجبت طاري

الـﭼـمه الجرح صدﮔ لو يريد يطيب

وسولفله عليك واحـﭼــــــي اسـراري

اتمنـــه تجينـــــــــــي بطيفــي شمتان

وتتشمــــت رضيــت وتعرف اخباري

لـﭼـن بيدك ملح يوم الألـــــك صديـت

ترش على الجـــــــروح الالـك بكتاري

معبارك جروح الـﮔـلب هم مرخوص

بس بهيده اسحـﮕ فوﮔ معبــــــــــاري

كانـون البـﮕـلبي صار كـــوم رمــاد

بســــــــك لا تنفخه وتشعـــل بناري

امــوت ومن امـــــــوت يموت وياي

جــــــــرح الأ لك بيه وينتهي الطاري

بقلمي الشيخ ابوحيدرالشويلي

14|2|2011

[عقيل كريم الشويلي]

اتمنـــه تجينـــــــــــي بطيفــي شمتان

وتتشمــــت رضيــت وتعرف اخباري

لـﭼـن بيدك ملح يوم الألـــــك صديـت

ترش على الجـــــــروح الالـك بكتاري

كان لي الشرف أن أكون
أول الحاضرن هنا ياأبن العم
وأقول لك اقف منحنياً امام
هذه الكلمات الرائعه
سلمت اناملك ايها الرائع
تقبل مروري المتواضع
لك تحياتي وخالص تقديري

[الشاعر جلال البطاط]

تسلملي حبيبي ابو حيدرعلى هذه المعزوفة الراقية...لك مني اجمل تقييم ياوردة.

[سلام الدراجي]

اسم الله عليك ياشيخ قصيده غايه في الروعه
كلهه مختنگنه بالعشك ؟
عاشت ايدك ودم الابداع
د \ سلام الدراجي

[حسن ابوحيدر]

لـﭼـن بيدك ملح يوم الألـــــك صديـت



ترش على الجـــــــروح الالـك بكتاري





معبارك جروح الـﮔـلب هم مرخوص



بس بهيده اسحـﮕ فوﮔ معبــــــــــاري





كانـون البـﮕـلبي صار كـــوم رمــاد



بســــــــك لا تنفخه وتشعـــل بناري

حار قلمي في وصف هذا
الابداع تحياتي لك ابن العم
جميل هذا النثر وروح
الايثار مع من تحب
تحياتي وخالص امنياتي
لك بالتوفيق

[الكناري يونس الجبوري]

[ابو فاطم]

الله يا شاعرنا الغالي ابو حيدر
ما اجملها واروعها ..
سلمت يداك

[يحيى الحميداوي]

الرائع دوماً أبوحيدر الشويلي
سلم هذا المداد والابداع ...متألقاً دوماً ,,,
تحياتي