قصيدة ( هل دمعتك للامام العسكري )
واندب اليوم --------- آ يمظلوم
************************************************** ********
دمعتك ياشيعي معناهه الولاء
وسجلت بالدمعه انشودة وفاء
للامام العسكري اليوم السماء
اعلنت احزانهه وشدت عزاء
ابجي حركه وبالدمع غرك النظر --------- واسي بالدمعه الامام المنتظر
وزيد الهموم -------- آ يمظلوم
************************************************** ********
بالعزه هاليوم كل شيب وشباب
تشارك الحجه بعظم هذا المصاب
تلطم عله الراس وتحث التراب
عالامام الشاف لوعات وعذاب
ونادي يامولاي يابن الاكرمين -------- واصرخ وخلي العزه نوح وانين
بكللب ملجوم -------- آ يمظلوم
************************************************** *********
انظر اعدائه بحقدهم حاربوه
مارعو حرمة محمد ونصفوه
ماكفاهم بالغدر من سمموه
توجهو يم كبره حقدآ هدموه
شارك بهذا المصاب وشدته -------- واندب بآه من تطب لحضرته
ودمعك دموم -------- آ يمظلوم
************************************************** **********
توهمو يطفون نورك يا امام
ظنهم يفلحون اولاد الحرام
مادرو شمس الله من خلف الغمام
تشع محبه وخير وبنور وسلام
بكل عزه نجدد ولائك والعهد --------- وماتغيرنه المصاعب والشدد
عهد للدوم --------- آ يمظلوم
************************************************** ***********
شما تموت اصوات تطلع من جديد
تنادي ضد كل طاغيه وظالم عنيد
نبقه دوم احرار مانقبل عبيد
بينه صوت حسين من قارع يزيد
عالصعب مولاي نتعنه ونفوت --------- يا امامي العسكري وياكم نموت
نكعد نكوم --------- آ يمظلوم
************************************************** *************
ونسالكم الدعااااااااااااااااااااء
خادم اهل البيت ....... شاكر الشمري
رد مع اقتباس
وانا متشكر بس كان عندى استفسار فين قسم الشكاوى
المشاركة الأصلية كتبت بواسطة محمد على جاد
