تمهيد الامام الحسن لثورة الحسين عليهم السلام
اذا رايد تشم الورد من الياس
لابد تزرع الها العود ويفطر
ولون رايد تنوش الجرف ذاك الصوب
تسكَم مركبك وتزحلكَه وتعبر
وكونك رايد اتفور دلال الظيف
عمر اوجاغها وتانيه من يجمر
وكونك تجهب اعدوك بحد السيف
ولم عدتك واحسبله لا تغتر
جثيرات الاجن وي مدهن مسيسات
لاچن ياهي سلمت ساعة المعبر
وچثيرات النوايب نزلن اعلل راس
لون الها اكف اردان الي اخسر
الف ثوب الصبر عالراس واتوكَاه
ومعروف اليفوز بهدته اليصبر
شراع السفن ابيض من تطر الماي
موش استسلمت للماي من تبحر
صدرها اتلاوه ويه الروج طره وفات
وزوده من الشراع بزوده اهو يكسر
يفلاح التطش الحنطة فوكَـ الكَاع
كونك تشلع لعاكَولها وتعمر
اذن يالتعتبر صلح الحسن بي سوء
يكَوم حسين من غير الصلح يكَدر؟؟
وتظل هالثله من اهل الوفه الشجعان
من ناده الحسين بناصره تنغر ؟؟؟
الحسن دفة وشراع بدانكَـ المصباح
ولولا الزيت ماشع الضوه ونور
ولولا الزيت ماشع الضوه ونور
في ذكرى استشهاد الامام الحسن عليه السلام
رد مع اقتباس
رد: في ذكرى استشهاد الامام الحسن عليه السلام
المشاركة الأصلية كتبت بواسطة جله نار
