المنافسة بالدارميات موضوع جديد على الجميع المشاركة

[عقيل كريم الشويلي]

شنهو البديته اوياك يمدلل الروح
تنساني هيج ابساع تخلي وتروح

ارجوا اكمال هذا البيت


ماظن بعد بالروح حيل أعله الجروح


الرائع عقيل شكرا لك على هذا الموضوع تحياتي

ماظن بعد بالروح حيل أعله الجروح
من فركه الاحباب خلصت تره الروح




دمعه وصفت بالعين ذبلانه وتنوح

دمعه وصفت بالعين ذبلانه وتنوح
لو تبجي على محبوب لو تعمه وتروح

============================

شبيدي على الي راح وشلون ارجعه

[فراتيه انا]

شبيدي على الي راح وشلون ارجعه
ومن كثر دمع العين مابقت دمعه

معلم على اللوعات ياويلي يكلبي..

[عقيل كريم الشويلي]

معلم على اللوعات ياويلي يكلبي
خلص دمعهه العين شصبر يربي


جرح الكلب ياناس سوالي عله

[فراتيه انا]

جرح الكلب ياناس سوالي عله
ولا واحد إمن الناس لجروحي داوه

ماهمني جرح الروح بس همني فركاك

[عقيل كريم الشويلي]

ماهمني جرح الروح بس همني فركاك
ضلت غريبه الروح تترجه طرواك


صبر ودمع وأحزان تكضي الليالي

[فراتيه انا]

صبر ودمع وأحزان تكضي الليالي
تعذبت حتى انساك سنتين اعاني

بالحلم جنك جيت من ذاك الغياب

[عقيل كريم الشويلي]

بالحلم جنك جيت من ذاك الغياب
فز الكلب ملهوف يركض عله الباب

وردة ازرعت بالروح لاتكطع خبرهه