أذا أنت صرت تلميذ عندي شلون؟؟؟

[الشيخ ابوحيدر]

أذا انت صرت تلميذ عدي شلـــــون

اكتب لافته ماعدنه أي عطلـــــــــــه

وحضرلك اوراقك من تريد اتــــروح

ووكَفلك حراسه لبيت توصلــــــــــــه

طلاب المدراس للصفوف تــــــروح

وانته الشعبه اجتك شايله الرحلــــه

دوام المدرسه بثمانيه المعـــــــروف

بس انت دوامك بالدعش الــــــــــــه

رصاصي الناس تلبس والكحل ممنوع

بس الوردي الـﭻ مسموح والكحلـــه

البنات تخلي اشكال العطور الـــــوان

وانت بلا عطور تفوح شوكلــــــــــه

بمدير المدرسه حطيت سبع امراض

والمشرف العام سبع طعش علــــــــه

مشرف زار صفهم عود للتفتيـــش

شوكض الدفاتر كَام ينقلـــــــــــــــه

ومن كثر المحبه البيك ياستـــــــــــــاذ

كمت اكره الصيف واكره العطلـــــــــه

الناس اتموت بالتفجير والارهـــــــــاب

وانت التصد ليه بعيونك تكتلـــــــــــــه

والزي الموحد كلهم يلبســــــــــــــون

بس بكيفك البس ماكو اي خلــــــــــه

فداك اساتذك وانت صدك استــــــــــاذ

ونه طالب وعدك بلكي تاذلــــــــــــــه

بقلم الشيخ ابوحيدر الشويلي

14|11|2010

[امير الربيعي]

تناغمت حروفك وعزفت لحنً جميل ,,
وبتصويرك اخذتنا معك لنسج الخيال’

كلمات واسطر جميلة جداً
ابداع متواصل
مع كل الود لك..

[أنثى شرقية]

حلوة منك شاعرنا غزل جميل وبصيغة وروح مرحة
تسلم اناملك لجميل تلك الابيات
دام نبضك ودام قلمك
تحياتي

[الكناري يونس الجبوري]

جميل ورائع ومميز يا ابو حيدر واينما توجهت حروفك اصابت
دمت بهذا التألق لك ولروحك اكاليل السوسن
وتحيتي لك

[هد250]

عاشت الانامل الذهبيه
التي ابدعت ونورت هذه الصفحه
برائعه من روائعك جناب الشيخ
تحياتي لقلمك ولجميل حرفك
الراقي تقبل وافر احترامي

[شاكر الهلالي]

قصيده غايه بالروعه اخي العزيز

احساسك راقي والحقيقه تنساب الكلمات

من قلمك انسيابا بثبات مميز

لك مني احلى التحايا 0

[ابو فاطم]

جميلة ورائعة
اخي ابا حيدر
سلمت انامل خطت لنا هذا الابداع المميز ..
تحيتي وخالص تقديري

[نازك]

تمنياتي لك
بدوام الابداع
والتالق لك الامنيات
تحياااااااااااااااااااااااتي