استراحة الشعر والشعراء وكل احباب الشعر الشعبي ترحب بكم احبتي

[أنثى شرقية]

ياهله بجيتك بعد طول الغياب ---
بيك ماخابت ابد رجوانه
الذهب تخفت لمعته من التراب ---
وبس تنفخه ترد تشعّ الوانه

[طيبة النجف]

سولفلي عله كيفك حتى ادوخن بيك
وانت بكيفك احجي منين ما تبدي
رايد كلمه منك ياولفي انت شبيك
واني اباب حلكك كاعد مجدي

[طيبة النجف]

الملح لو بس يخطر ابالك تحليه
فوكه من العسل اطنان خليت
ومن كد ما حلو تكتل يحباب
من تلمس نوانه يصير جكليت

[طيبة النجف]

ابيك آنة وابد ماكول.. مابيك
يل كلك محنة وشين .. مابيك
غبت عني واكول شبيك .. مابيك
من اغيبن هم يظل بالك عليه

[طيبة النجف]

كاعد يمي اشوفك ايد فوگ الايد
ومفتون بحلاتك والگلب يسعر
تگرب يمي خدك وانه اگلك روح
خافن بس ابوسك يصعدالسكر

[طيبة النجف]

ذبل عودي ودليلي انصاب به داي
والك عمري هديته وضاع بهداي
لون رايد تطلع الـروح بهداي
انته اخر نفس تصعب عليه

[طيبة النجف]

اتمـنى روحــي طويـر وانزل بداركـ
واوگف على الحيطان واسمع اخباركـ

[طيبة النجف]

يعيني من البجي بسج عليمن
ايسر ماطبك مره عليمن
تعال وبجيتك يسمر علي من
كرهت الدنيه من بعدك عليه