انه بميلادجرحي اليوم غنيت

[الشيخ ابوحيدر]

انه بميلاد جرحي اليوم غنيت
او جبت جكليت بيدي وشمعه وحده
او سهرت الليل اناطر شمعتي اتذوب
اعد ساعات ليلي ودمعي اعده
على ضماد الجرح طشيت جكليت
او على اكتاره بدّي خليت ورده
او جبت خنجر هدية عيد ميلاد
وبجرحي الرطب بهداي احده
كتبت اسمك ابورقه او كلت موجود
اوجن اتكول صوتك يمي بعده
تهمسلي واكلك وين ماوين؟
ماشفتك حبيبي صار مده؟
من يوم الرحت وعيوني لليوم
طيف ابغيرشوفك ماتوده
خليني الك بعده النفس بيك
واذا ضدنه الوكت خنصير ضده
ولا تزعل عليه اوغيضك امحيه
والراح امنديك اليوم رده
حبيبي ارجوك مابيه احمل اعتاب
او باب الذكريات ارجوك سده
تره ابلياك عمري ايام محسوب
يوم براحه اعيش او يوم شده
سنه ولاما نسيتك دوم علبال
او غيرك من يجيني ابلحظه اصده
اوكلبي لغير كلبك مارجف يوم
ولو كلبك نساني اوصار نده
انه وانته حبيبي وعيد ميلاد
عساهه ماكضت هاي المسيه
اولوادري تجيني اليوم ورتاح
صدّك ماجبت خنجر هديه
جاجبت العمر والروح والعين
منيتهن بديك اجمل منيه
حبيبي اكبال عيني وليل وشموع
اواديه مافاركنهن ذني اديه
هم يلفي الصبح وبغيرك اكضيه؟
اواكول البارحه جنه سويه
لا ماظن بعد تتحمل الروح
سنه او فوك السنه تحمل اذيه
حبيبي انه ادري بيك ابغيري مهموم
او ادري ابكلبك اصبح مواليه
لكن موبديه الروح تهواك
او تفرح من تجي وتصير يمي
اوازيل اهموم عمري ابشوفتك يوم
احسن بيك ماي امن اعطش اتصير
او احس بمحبتك تجري ويدمي
سميتك حبيبي او اغلى الاسماء
ونته بكيفك شمتريد سمي
بعتني ابيوم وانه امناطر اسنين
وانه للحين اريدك تشتريني
خلص ميلاد جرحي وخلص الليل
اوبده فجر النهار اتشوفه عيني
اوطفت شمعتنه ستكه والشمع ذاب
اوغفه جرحي اوبده يحسب اسنيني
اوبقيت الوحدي ادورك وين موجود
وانه ادري ابغيابك ماتجيني
اثاري الليل ذاك الراح حلمان
اوخيال الجان مابينك وبيني



منقووووووووووووووووووووووول

[احلاهن بطة]

الله عليك شيخنا
وعلى ذوقك الراقي في اختيار هذه القصيده الرائعه
للشاعر المبدع ايهاب المالكي
صاحب الاحساس المرهف والصوت الشجي
بروكت يداك ابو حيدر
على روعة ماانتقت اناملك المبدعه
وشكرآ للنقل

[الكناري يونس الجبوري]

الله على ذوقك الراقي يا ابو حيدر جبتها عالجرح يالغالي لا عدمناك
فقط ملاحظه بسيطه في هذا الشطر من احد الابيات قال الشاعر
اوطفت شمعتنه ستكه والشمع ذاب
ولم افهم ما معنى ستكه اعتقد انه يقصد سكته
ارجو تصحيحها او ترك المجال لنا للتصحيح مع التقدير
تحيتي لك

[يحيى الحميداوي]

ذوق جميل دمت لنا مبدعا ودام قلمك نابضا بالجديد تحياتي

[دندونة حبيبي]

الله عليك ياشيخنة قصيدة جميلة تسلم

[عباس الفرطوسي]

جميل حتى في نقلك .. سلم لنا هذا الذوق

[سهام الهلالي]

شاعر والبحور اتطيعك هواي

من تكتب الك ابعث هديه

واذا تنقل بعد اتزاعل وياك

قـــليــلــيــن الذي ردوا اديه

وانت بلا نفاق وحچي المدفون

شاعر لو كتب ينهي القضيه

اكتبتهن عالبساطه والك ممنون

تقبل هالـــمـــــرور وهالتحيه