قصيدة مــــــاي الذهــــــب


لأدور نـجمـة وأنته بنـص نهـار
ماكو بين النجمة والشمس صلة
وصعبه تكله أصحاب معدنهم أصيل
حتــى مــاي الذهب لابد تشخلة
أصدقاء أهواي تتــعرف عليــك
يامـا بالــصحبة بـشر متـمشـكلة
اويامال تلكه أعيون تركص على السراب
كــل الضـمائر شبـة متـعـطـلة
سوي كـلبك بـير وأتـحمل عناء
ولــو بـيبـان الكـلوب مـقـفلة
ماتطيب أجروح ملفوفة بحرير
لأكسـر يـكدر يـلائم مــفصـلة
المواجع مو ثمن يسوه العتاب
النتـيجة أيـكون حـبك حاصـلة
لاتقـارن نفـسك بعـض الحـمام
السنـابل مـو ســوية مكـصلة
نــاس تـعبانه مثل حال الـفـقير
ونـاس فـرحانة عـمر ومدلـلة
وناس عدهم منزلة وعدهم حضور
وبـعض منهم نماذج مخـجلة
بينك وبين الوكت شعرة وصال
معـلك وياة ومصيرك تجهلة
أتريد من وكتك يدليك الطريق
الطـريق أيـريد نـاس أتـوصله


بقلمي


جــبروت رجل

5/11/2010