ان العراق حر تصميم منتظر منكم الاراء والانتقادات!!

[HayderAliraqe]

السلام عليكم ورحمة الله وبركاته

هذا تصميم بسيط واريد رائيكم بكل صراحة
الي عنده انتقاد ياريت يكتبه حتى نستفاد منه ونتلافا الخطاء في التصاميم القادمة

هذا التصميم ومنتظر الانتقاد حتى نتعلم منكم
او اي تعديل ممكن عمله حتى العمل يطلع بصورة افضل


خالص التحيات

<!-- / message --><!-- sig -->

[رونق الحياة]

عاشت ايدك اخي حيدر

تصميم رررائع لكن توجد عندي ملاحظة
لو سمحت
كلمة عراق بالون الاخضر والاسود لو تنمسح احلى
وتبقى بس عراق باللون الاحمر
والف شكرررر

[HayderAliraqe]

الف شكر الج اختي رونق الحياة على المرور العطر والملاحظة

وتم التعديل مع تغير الكلمة الى وسط التصميم


شكراً لكي
تحياتي

[رونق الحياة]

كان حلوو وصار احلى
ننتظر المزيد منك اخي
تحياااااتي

[HayderAliraqe]

جزيل الشكر الج اختي رونق الحياة مرة ثانية
مروركم الاحلى اكيد

تحياتي

اول شيء اكول لك عاشت ايدك.
ثاني شيء اكول لك التصميم فكرته حلوة حلوة.
ثالث شيء اكول لك يراد لك خطوط احترافيه خاصه مو من الخطوط المنتشرة بالنت.
رابع شيء اكول لك اللون الاحمر في استعماله خليه غالبا طوخ ليش؟ لان الطوخ يريح العين اكثر الاحمر القوي يجذب النظر مباشرة على الكلمة كل ما كان ناعم و مريح للعين كل ما صار ابداع اكثر.
خامس شيء العلم العراقي لو تصرف وقت ساعه او اكثر و تصميم علم عراقي خاص بيك و خريطة للعراق خاصة بتصاميمك راح تحتاجهم دائما و راح توفر وقت.
سادس شيء الخط لمن كاتبه مخليه وراه خلفية لون اسود هذا حلو بس ايصير احلى اذا صار خفيف.

طبعا هذه نظرتي للتصميم تبقى كلٌ يرى بعين مختلفة.

بس الصراحه تصميم جميل جميل و فكرة اجمل اتمنى لك التوفيق و المزيد من التطور في هذا المجال الراقي.

في امان الله

[HayderAliraqe]

اول شيء اكول لك عاشت ايدك.

اول شي 10000 الف هلا بيك اخوية العزيز منور المنتدى والقسم بطلاتك علينا
وايدك العايشة يا ورد

ثاني شيء اكول لك التصميم فكرته حلوة حلوة.

مشكور وانت الاحلى والحمد لله طلع التفكير صح في الاختيار للعمل

ثالث شيء اكول لك يراد لك خطوط احترافيه خاصه مو من الخطوط المنتشرة بالنت.

ملاحظة ممتاز اخوية وان شاء الله راح ابحث عن خطوط اكثر واستخدمه في القادم

رابع شيء اكول لك اللون الاحمر في استعماله خليه غالبا طوخ ليش؟ لان الطوخ يريح العين اكثر الاحمر القوي يجذب النظر مباشرة على الكلمة كل ما كان ناعم و مريح للعين كل ما صار ابداع اكثر.

والله اخوية كلامك سليم بالفعل
بس الصراحة مو بيدي بعض الامور
وهي استخدم الون
الاحمر
الاخضر
الاسود
لانه الوان علم العراق لذلك استخدمه بكثر في اي عمل يخص العراق وهذا شي لا اردي والله لازم اخلي هاي الالوان
ومثل ما شفت
كلمات عراااااااق عرااااق عراق
ادل بيه عنهم
لكن ان شاء الله مع ملاحظاتك راح احاول ان استخدم الوان اشويه افتح مثل ما اتفضلت

خامس شيء العلم العراقي لو تصرف وقت ساعه او اكثر و تصميم علم عراقي خاص بيك و خريطة للعراق خاصة بتصاميمك راح تحتاجهم دائما و راح توفر وقت.

فكرة جميلة وان شاء الله راح اعمله
واعمل شي خاص بيه علم وخارطة
واني اول شي اعمله كعلم الموجود في التوقيع مالتي اعلام ا لعراق الي صايرة بشكل دائرية
وان شاء الله راح اعمل اعلام عادية واستخدمه لان اعتمد اهواي على صورة العلم الي جاهزة وما اعمله اني

سادس شيء الخط لمن كاتبه مخليه وراه خلفية لون اسود هذا حلو بس ايصير احلى اذا صار خفيف.

اخوية ما اعرف اذا كان قصدك على الاطار الاسود الي اني واضعه على الكتابه هو فقط استخدمه حتى اظهر الكمة واتكون واضحة بشكل جيد
بس ان شاء الله راح استعمل الوان اخف في القادم

طبعا هذه نظرتي للتصميم تبقى كلٌ يرى بعين مختلفة.

بس الصراحه تصميم جميل جميل و فكرة اجمل اتمنى لك التوفيق و المزيد من التطور في هذا المجال الراقي.

في امان الله

طبعاً اني ممنون جداً على هذه الملاحظات القيمة والله استافديد الكثير منك
وان شاء الله راح اتلافا الخطاء اشويه اشويه حتى اصل الى درجه افضل

اكرر لك الشكر الجزيل اخوية العزيز على جهدك في الملاحظات
خالص التحيات لك يا ورد

[Mr.YoYo]

يابه انت مبدع وروعه
عاشت ايدك تصميم كلش حلو وفكره بعد احلى
الموفقيه الك بالتصاميم وانشاء لله من أحسن المصممين
تحياتي لك يا ورد