المليون دارمي .. تنفرد فيها منتديات الفرات

حظي من العنجور منجور
بس تحبني وحده انذر النذور

[ابو فاطم]

من عندي اخذ مرخوص يا ولفي شتريد
ومنك ردت وانخاك فد بوسة بالعيد

[الامير العراقي]

من كثر ما مشتاك خبلت نفسي

اشرب نفط بالكوب حسبالي ببسي

[الكناري يونس الجبوري]

فد بوسه وحده شلون ما تطفي ناري
رايد عشر بوسات آني الكناري

[الكناري يونس الجبوري]

اشرب نفط بالكوب اشرب لتهتم
آني شربت لترين من عيني الدم

[الامير العراقي]

من كثر ما مشتاك صرت اني مخبول.
... اتفرج الاخبار حسبالي كعبول

[الكناري يونس الجبوري]

يللي تنام الليل وما همك بچاي
ردتك ذخر يا زين بس تبقى وياي

[عراقيه غيوره]

هاك الدرع والسيف ومسلّم انه ..
. كلبي وطبك وياك صارت خيانه