المليون دارمي .. تنفرد فيها منتديات الفرات

[الكناري يونس الجبوري]

وجه واحد خالقني ربي
وطيبة قليبي هاي نعمة من ربي

اليوم خليتنا نشعر يايونس الجبوري
اخذني الواهس

تقبل جميع ارتجالي
لانني اول مرة اكتب دارميات
لك كل التقدير والاحترام
تحياتي

ههههههههه زين لعد يوميه اگعد ابچي بالدارمي بلكت نكسب شاعره

راح ابچي طول الليل بلكت تكتبين
وآنا أصلّح عود بس لاتعتبين

يعني اصححلچ
شكرا اختي حلومه منوره

[الكناري يونس الجبوري]

ظلمه وبعيد هواي ما ادري وينه
واطلب من الله يعود هو وحنينه

[أنثى شرقية]

دموعك علية عزاز ماهي هينة
وتصحيحك يصير عليه التجية

تسلم كناري الفرات
ونتعلم منك خوية
تقبل ارتجالي لهذا البيت
تحياتي

[أنثى شرقية]

ولفي خذاه البين الله وكيلك
وماتدمع العين عل مايضحيلك


ايضا ارتجال سريع
اتمنى ينال اعجابكم
تحياتي

[أنثى شرقية]

ماتسوى دمعة عين يل ماصنت حبك
قلبي شلعته بموس ومارجع لحبك

ايضا ارتجال مني
تحياتي

[الكناري يونس الجبوري]

ربي يعزچ دوم وانتي الزچيه
اصل وفصل واخلاق واغلى اخيه

[الكناري يونس الجبوري]

ولفچ خذاه البين بس ولفي عايش
كلما اجيبه ذراع صد للكايش

[أنثى شرقية]

الله يعزك دوم خوية ويكبر شانك

وأصل وشهم مهيوب مرفوعة راسك

تحياتي