شعر شعبي

[سومه]

يقلّي اصبر يقلّي اصبر,والصبر مرّة شحلاته
وفظّي خلقك و اليفظ خلقة على سنين الصبر خلقة شفضاته
والله صارت مهزلة وصرنة سالوفة بحلق كل الشماته
صرنه طوبة قدم والحارس غشيم وياهو القام ظل يضرب شواته
صرنه لقمة و سايغة بحلق الزمان شلون ماراد بمزاجة بمشتهاته
الناس قاتلهة الرعب والجوع ظلّت وناس بديار الغرب صارت شتاته
صحنا صوت و مامش احّد مالقينا الخيّر اليفرش عباته
وا لقينا الينتخي بساعة الشدّة ولا لقيتا اليثبت بحد الثباته
صرنا مثل الحطّو الموس بلهاته لا بلع ريقه ولا ضامن حياته
ياحسافه آنه الكنت امشّي الناس بيدي وهسّه ادوّر عاليمشيني تاته توّاته
والله عيب على الزمان البي عراقي يعيش ذلّه وجوهر الأخلاق بطباعة وصفاته
والله عيب على الاخو ينكر خويّه وما نكر بالطيب ذاته
والله رفعت راس من يمشي العراقي والكرامه مبيّنة بوجهة وسماته
باجر نرد لوطنّه وليلنه بحضنة نباته باجر نرد لوطنّة ونطرد غيوم العليه مكدراته

[العاشق3]

شكرات جزيلا ياسمين

على الشعر الشعبى العراقى

الرائع مع تحياتى وتقديرى

[سومه]

اشكرك على المرور

[رونق الحياة]

شعر جميل
تسلمين سومة
تحياتي لكي

[عراقي أصيل]

والله عيب على الزمان البي عراقي يعيش ذلّه وجوهر الأخلاق بطباعة وصفاته
والله عيب على الاخو ينكر خويّه وما نكر بالطيب ذاته
والله رفعت راس من يمشي العراقي والكرامه مبيّنة بوجهة وسماته
باجر نرد لوطنّه وليلنه بحضنة نباته باجر نرد لوطنّة ونطرد غيوم العليه مكدراته

هلا هلا بأختي سومة رووووعة

عاشت الأيادي صح لسانج


تحياتي



فارس الليل العراقي