تسمحلي اذبحك واخذعيونك
وشوفن بيك وانت اشوف بعيوني
وتسمحلي انسخك ومسح التصوير
وحطك وسط عيني واقفل جفوني
وتسمحلي اشمك وشهكَ انه وياك
خاطر لايشمك بعدي اي دوني
تسمحلي افك كَلبك ونامن بيه
خاطر من تجي العذال يلكَوني
وذا تسمح ابوسك وشتعل نيران
حتى أنعل والديهم لويطفوني
تسمحلي اشبكَك شبكَت المشتاق
وموت منل لطم ويطيحن متوني
تسمحلي ابوكَن صورتك بسكوت
وحطنها ونوح اليل خلوني
تسمحلي ابوكَن شفتك تذكار
وصعد مشنقه وخلهم يعدموني
وتسمحلي افجرك ونتحر وياك
ونطشر وفنهم لو يلموني
تسمحلي احطك وسط تابوت
وتمدد وياك وفن يطلعوني
وتسمحلي وتسمحلي وتسمحلي
والتسمح طويله وتاهت ظنوني
بقلمي
اخوكم الشيخ
ابوحيدر
رد مع اقتباس
رد: تسمحلي اذبحك واخذعيونك
