الخطوبه
حبايبها....
يهالحلوات وين فلانه خبرني ؟
العمر....
طشار صار اليوم بالشكبان لمّني
سمعتن ؟؟؟؟
ماتنام اليل هاي الناس من وني
صديقتچن صفت چا وين ؟
وين فلانه دلني ....؟؟
ماهي فلانه وياچن ...؟
شنهو الخبر سعفني؟؟
وتجاوبني صديقاتچ جواب حروفه يچوني
التدوّر عليها خطبوها ....
وچفها اليوم متحني
وصعد ....
هالخبر لليافوخ .... وبيه صار الف جني
جروحي المايكضها خياط ....
منچ بگن يلوني
رضيتي شلون تتحنين ... وآنه الشوگ كاتلني ؟؟
ورضيتي شلون تبتسمين ... وآنه الوهم شايلني ؟
ورضيتي شلون ... يالكلّچ جرح فوگ العَلي ذني ؟
اذا ترضين حب سنين ...
غسلني وچفني ....
أدفنه وما أطخ الراس ...
واضحكله ..
بطرف..
.... سني ...
رد مع اقتباس
