من ابوذيات يونس الجبوري
أنا المشتول صار شـگد اتاني
وچم حســاب في بعـدك اتانـي
چثير من الهمس راح وأتاني
وجاني النوم ما مريت بيــــه
يونس الجبوري
انا الحبيت ذات الحسن والخال
أصيله معربه الجديــن والخال
يلوم الما دراني شـبي والخال
لچم جرحي ويشب النار بيه
يونس الجبوري
قسم باللي خلق حسنچ ولالاه
احب ثغرچ كما الجنه ولالاه
عليش اهلچ ماكالو ايه ولالاه
ولا سمعو بكائي بكل مسيه
يونس الجبوري
يگللي شـــبيك نافــر ماتبينه
ولا يـــدري بــــوداده ماتبينه
يهالتنشــــد علينـــــا ماتبينه
ولا عزيتنـــي ومريــــت بيه
يونس الجبوري
يهالمجبــــــــل علينا ماتملنا
واذا نشـــــرح هوانا ماتملنا
الصبح والليل نلهج ماتملنا
وغدا يا وسفتي حدر الوطيه
يونس الجبوري
وحگ ربه الخلگله خـدود والشام
ابد ماكو بجمالــه بمصــر والشام
تمنيتـــه لحبيبــي بليـــــــل والشام
حدر حنچـــــــه واذوب بكل مسيه
يونس الجبوري
تگيـــد تلهـــم الكبريـــت وَسّم
اريدك تتبــــع البالشـــور وَسّم
ترى فرق الجمـل ياخوي وَسّم
المثل مفهــــوم من رب البريه
يونس الجبوري
شجاها الدنيا بس وياك تفتر
وملح خلت على جروحك وتفتر
العلاقه احيان حميانه وتفتر
اذا صار الاخو ميريد اخيه
يونس الجبوري
رد مع اقتباس
رد: من ابوذيات يونس الجبوري
المشاركة الأصلية كتبت بواسطة حوريه البحر
