اغار عليك

[ام علاوي]

مو بيدي .. العشگ يسري بحنايا الروح
و من شفتك حبيب الروح سميتك

حسيتك قريب و اغلى كل الناس
و لا چنك حبيب و يوميه اطب بيتك

و مو سكته و دفن حبيتك و خجلان
كل الناس تدري بيوم حبيتك

بس تبقى لغز ما تنكشف للغير
يروحي بروح روح الروح ضميتك

ضميتك و اغار من الهوا يحاچيك
و من گد ما غرت ما يوم حاچيتك

يا نسمة هوا شمدريني راح اهواك
گلت مثل مثل الهوا و ما ادرري .. شميتك

من ذاك الوكت ما غبت عن البال
الگلب بسمك تسجل و انحسب بيتك

يا نبعة ورد ما بيك نتفة شوك
ناعم يزهي لونك و العطر صيتك

فصلت البشر سويتهم تمثال
و انت الروح بالتمثال خليتك

حجر كل البشر بس گامو يحنون
قطرة نطيتهم من بحر حنيتك

يا نهر العشگ يا سلم الافراح
عطشان و حزين و واگع و جيتك

رايد كلمه منك مو كلام هواي
و اذا انت تريد الروح لبيتك

بس كلمة احبك كافي عاد ارجوك
حت لو بالچذب بس گول حبيتك

.................................................. .
مماداعب الوجدان

ام علاوي

أسجل أعجابي بأحاسيسكـ اِلجميله،،

التي نثرت هنا كحبات المطر
تحياتي

[ام علاوي]

ايليا اسعدني تواجدك كثيرا
شكرا لهذا التواصل المميز اخي
لاتحرمني اشراقتك الجميله
لك خالص الود واصدق الدعاء

[الشيخ ابوحيدر]

روعه مانقلتي ام علاوي
الغاليه جميل احساسك
الف تحيه رقيقه من القلب
لهذا الذوق كوني بالف خير

اغار من عينك وهي عينك واغار
من صوتك وهو صوتك واغار
الغيره هم ونار واغار
لاجارح ولا مجروح موبيدي هم اغار
تسلمين اختي العزيزه ام علاوي

[نور القمر2]

ام علاوي
أبدعتي,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتيها
عذرا,, لتتقبلي عباراتي المتواضعة,,,
فلم اجدالحروف التي تليق بسمو قلمك ,,
,,,,التي قد تلملم ردا يناسب روعة ما قدمته
لك ودي وجل تقديري,,

[طالب الناصري]

جميل جدا ياام علاوي
ان نشتشف هكذا عذوبه
من بين تلك الحروف التي سطرت
بشاعريه شفافه فلكي كل الحب والموده

[ام علاوي]

شيخنا الغالي منور الموضوع
لاحرمت روعة تواجدك بين سطوري
لك ارق التحايا