طالب الكلية و طالبةالكليه

[بيتر بتريلي]

شوفو الفرق بين طالب الكلية الي مرتاح وبين الطالبة الي متعبة روحها وبعدين تالي متالي من ترجع للبيت كلة يروح
يلة خلي نشوف شنو الفرق بيناتهم واذا عندكم شي ضيفوا من يمكم بس شي صحيح مو من خيالكم تجون وتلزكون خخخخخخخخخخ أوكي



البنيه خطيه مظلومه .... الليل كله كاعده تعدل وتمشط و(تلطخ) واذا الخط يجيها بال7 هيه من ال4كاعده تغسل وجه عشر مرات الى انا يجلح لونه
واذا اكو كهرباء تجيب بهل السشوار وتسشور ولهذا اكيد الولد يشتمون بالكليه ريحه شعواط!!!!والمسكينه تنام هيه ونايمه!!تخاف لتتخربط هدومه والشعرهه
واذا الكهرباء مطفيه يكون اتعس واسوء يوم فحياتها فأذا عده امتحان ترسب واذاعده كبل راح يشلع والخ....
فتكعد البنيه بال4 مثل مكلت والكهرباء ماكو وهيه نعسانه تجيب وتلوص بروحه وهي ماحاسه وتحس على صوت الطلاب يضحكون عليه بالكليه ولمن تدخل للحمامات تلكي حاطه الحمره بعينه والكحله بخذه والمسكارا بحواجبه واحمر الخدود بحلكه واكيد اذا عدهه صديقه من هذولة جماعت الخباثة ومتكلله شنو ؟ شحاطه؟شملوصه؟
بس الله عليكم ما اريد اي طالبه تزعل لان انتوا أعزائي
تحياتي و تقديري




هنيااااااااااااااااااااااااااااال الوووووووووووولد
من الخط يوكف بالباب يله امه تكعده من النوم يغسل ويبدل ويلبس حذاءه ويصعد بخط وبالطريق يمشط ويخلي ريحه!!!!
وعنده طفيه الكهرباء مثل وجوده لان لامكياج ولا اوتي!!!!!القميص رأسن من الحبل للبس!! وميصير شيلبس ميلبس لان هو بنطورن وقميص وحذاء لابدي احمر لازم بلون الحمره والبدي ازرك بلون الشدّو ولاحذاء بي سير فضي بلون السوار ولاالحزام بي ::قوبجه ذهبي بلون الكلاده!!!::

ههههههههههههههه

اخى بيتر من اين تاتى لنا بهذه الشغلات

انا شايفه فيه ظلم شويه ومبالغه على البنات

البنات الطف الكائنات

اى نعم البعض منهم يحتاج الى وقت للمكياج والحمره

لكن البعض الاخر يحب الجمال الطبيعى

ولكن اولا واخيرا

احب ان اشكرك على هذا الموضوع الفكاهى الجميل

الذى رسم البهجه على وجوهنا

اتمنى مشاركة الاعضاء

ملأ الله ايامك بالافراح والمسرات

تقبل خالص تحيتى وتقديرى

[حسام فارس]

لا خطيه اتقي الله اخي بيتر
تره ماكوا اجمل من العراقيه
جمال طبيعي
اشكرك اخي العزيز بيتر

[بيتر بتريلي]

شكر لكم على هذه الردود الجميله
يا أعزائي ان هذه الموضوع لطيف و فيه مزاح لطلبتنا
شكرآ لكي يا عزيزتي نور الشرق على هذه الرد الجميل
و انا الممنون
مع الشكر و التقدير

لاااااااااااااا ترة طوختوووووووووووووووها كلللللللللللللللللللللللللش مو هيج ماكو وحدة تكعد من ال4 شعدنة ليش قابل عرس عدها اني الخط يجي بال6ونص واني كاعدة من ال5 ونص يعني بين ما اكل واصلي وابدل وشوية اعتناء عاد لا هيج ولا هيج ههههههههههههههههه بس فعلا ضحكت تحياتي الك والموضوع جميل بس بي مبالغة
تحياتي ريام

[ابو ذر الغفاري]

السلام عليكم:
موضوع أثار استغرابي نوعا ما ، فأرجو يا صديقي ان نبتعد نوعا ما عن بعض التفاصيل التي وجدتك تذكرها عن مكياج النساء لأن للمرأة خصوصياتها التي اعتقد ان على الرجل أن يبتعد عنها.
مع ذلك موضوعك جميل وتبقى العراقية رمزا للجمال والعفة والأناقة.
تقبلوا مروري

[بيتر بتريلي]

السلام عليكم:
موضوع أثار استغرابي نوعا ما ،
فأرجو يا صديقي ان نبتعد نوعا ما عن بعض التفاصيل التي وجدتك تذكرها عن مكياج النساء
لأن للمرأة خصوصياتها التي اعتقد ان على الرجل أن يبتعد عنها.
مع ذلك موضوعك جميل وتبقى العراقية رمزا للجمال والعفة والأناقة.
تقبلوا مروري

السلام عليكم:
موضوع أثار استغرابي نوعا ما ،
يا عزيزي أبو ذر الغفاري ما الاستغراب في الموضوع هل انت تملك روح الفكاهه؟؟
فأرجو يا صديقي ان نبتعد نوعا ما عن بعض التفاصيل التي وجدتك تذكرها عن مكياج النساء
يا عزيزي ما أنواع الابتعاد و ان هذا الموضوع تم تنزيله للتسليه و نشر البهجه على أعضاء منتدانا
لأن للمرأة خصوصياتها التي اعتقد ان على الرجل أن يبتعد عنها.
يا عزيزي انت تعلمني عن خصوصيات المرآه . ما هيه الخصوصيات؟
و ما الشيئ السيئ الذي بدر مني؟؟
مع ذلك موضوعك جميل وتبقى العراقية رمزا للجمال والعفة والأناقة.
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
تقبلوا مروري

[ابو ذر الغفاري]

السلام عليكم:
يبدو أن كلامي لم يعجبك، يأخي سأجيبك عن تساؤلاتك التي طرحتها يا (بيتر):
1- روح الفكاهة ولله الحمد اتمتع بها حتى أن كثيرا من اصدقاءي يلجأون لي عندما يصابون بالحزن ليجدوا من يزيل عنهم التعب ويواسيهم .فلا أحتاج لشهادة منك يا بيتر.
2- قد تختلف وجهة نظري عنك فربما انت اعتدت في كلامك مع النساء أن تتحدث عن (مكياجهن) وغير ذلك مما أعتقد أنه من (خصوصيات) النساء التي ربما هي ليست خصوصيات عندك. برأيي النقاش يكون في موضوعات نستفيد منها، فليست كل البنات في الكليات تبحث عن (الكبل) وأنا طالب جامعي ولله الحمد ومستمر بالدراسة، وليست كل النساء تتزين من اجل الطلاب.
3- لا أريد أن أعلمك ولا تعلمني لأن لكل واحد أسلوبه ولكل واحد نظرته ، ولكن هل يتحدث الطالب الجامعي مع زميلته في مكياجها؟؟؟ ومتى وضعته؟؟؟
تقبل مروري.