لو تدري عليك شكثر محتام
نذر لعلك اسنيني ابجيتك اشموع
واشتل كل سمه الهجران نجمات
اغيم بالوفه وامطرلك اسبوع
وايصير الوفه ابملكاك روجات
وانته البلكلب ريحان مزروع
تتحسر عليك اشكثر نسمات
يالطيفك رسم وبعيون مطبوع
ليليه ايتوسد جفني ويبات
لوجابك وفاك بهاي الايام
وتشوف اشكثر ناذرلك انذور
اشم طيبك بخور بحضرة ايمام
واترس دنيتي من زلفك اعطور
مل صبره الكلب مابعدينلام
وبحبال الصبر سنتين مشرور
لو تدري عليك شكثر محتام
جا.....سابكت جدمك ويه الطيور
اخافن بدلو ريشك ينعام
تره اسهام الشماته اتصيدالصكور
وخافن لايشمونك يشمام
ولو بالليل كلبي اعليك ناطور
تراني اعلك اسنيني الجيتك اشموع
ولو ليلك تكفه بضوه الوجنات
اغيم بالوفه وامطرلك اسبوع
ويصير الوفه ابملكاك روجات
ترف يطفح هواك بكلبي ويفيض
وافوجن بحر همي ويبعد الكيش
ورد اعطش لعينك عطشة الكيض
وترف جنحان كلبي مايصح ريش
واسلي الروح نوبه بعشرة البيض
لنهه بلا شكارك روحي متعيش
مافاد ابجرح فركاك تمريض
ولا ضاع الوفه بسحر الدراويش
تراني اعلك اسنيني بجيتك اشموع
ولو ليلك تكفه بضوه الوجنات
اغيم بالوفه وامطرلك اسبوع
ويصير الوفه بملكاك روجات
ويصير الوفه بملكاك روجات
الشاعر الكبير كاظم اسماعيل الكاطع
الامير سامر
رد مع اقتباس
