حسنة ام اللبن صارت سياسية

عدنه شلون دوله وبيها حرية..!
حسنة ام اللبن صارت سياسية
----------
حسنة شلون لعبت بالخلگ طوبة
راحت للسياسة وعافت الروبة
الفضائيات كلها عليها مگلوبه
وامريكة ياربي بيها مسبيّة
حسنة ام اللبن صارت سياسية

حسنة لفلفت كلشي بعبايتها
وسبعتالاف من تمشي حمايتها
بسوگ العورة متشكلة وزارتها
وحكومتها حكومة محو اميه
حسنة ام اللبن صارت سياسية

طلابتنا چبيره وحسنة حبابة
وبوش يگول هي تحل الطلابة
حسنة للحكم صعدت بدبابة
وگامت ترسملنه خطط امنية
حسنة ام اللبن صارت سياسية

ياناس على حسنة بعد مانعتب
لان مگرودة لا تقره ولا تكتب
ملتهية تفرهد بينه وتسلّب
وحصتها بنفطنه ألف بالميّه
حسنة ام اللبن صارت سياسية

ماندري ويه حسنة شلون تاليها
ياناس وتعبنة من بلاويها
لان دولتها حاميها حراميها
حظنه الوگعانه بحلگ واوية
حسنة ام اللبن صارت سياسية

گالوا حسنه راح تعالج الاحباط
وتذب شيلة فگرها وترد تلبس قاط
وتأسس حكومة كلها تكنوقراط
وتعالج بناء البنى التحتية
حسنة ام اللبن صارت سياسية

لبست قاطها وتسودنت حسنة
وردّت تزمخ علينه وتفارسنه
درجعي للبن مو خرب واهسنه
عساها بخت من سواچ حزبية
حسنة ام اللبن صارت سياسية

مما راق لي

[ام فيصل]

ههههههههههههههههههههههههههه

والله رااائعة عزيزي
هذي وين لكيتهه هههههههههههههه

عاشت ايدك تحجي الواقع بحذافيره
هيه وين حسنه ,,, ووين السياسة

رحم الله والديك على هالقصيدة
اطيب تحياتي لك عزيزي

[الغربه]

هههههههههههه روعه وحس فكاهي ونقد جميل جداا
شكري وتقديري لرووعة اختيارك

[ام علاوي]

قصيده جميله جدا
شكرا لك يازير
دمت ودام عطائك
لك تحيتي وودي

[السومري71]

ههههههههههههه
والله مع كل الأسف هو هذا واقعنا
اخي ابو ليلى
شكرا لأنتقائك الرائع والهادف
خالص تحياتي

ام فيصل
زهير العقابي
الغربة
ام علاوي
السومري

جزيل الشكر والتقدير لمروركم العطر
دمتم بالف خير
تقبلوا تحياتي

[طيبة النجف]

ايها الغالي الزير سالم رائع ما اخترت
شكرا على هذا الابداع
والله صدك بس هية وين هسة حسنة ام اللبن؟؟؟؟
تقبل مروري

شكرا لك اخت طيبة النجف

تحياتي لك