البحث فـــ محفظة ــي آدمــ

شكراً للاخ كريم الزبيدي على هذي الدعوه الكريمه من حضرتكم وشكراً لصاحبة الموضوع الراقيه ام علاوي
يسعدني اشارك وياكم اليوم

1- ماذا تحوي محفظتك ألصغيره عددها بالتفصيل يعني بين قوسين طلع محفظتك وفتشها جيب جيب ؟؟

ههههههههههه والله من صدك طلعت محفضتي وافتش بيهه
اول شي طبعاً بيهه مبلغ من المال بس مو هواي لان الراتب أنتهى تقريباً من 10 ايام وماباقي غير اسبوع حتى نستلم وثانياً لان جنت بكربلاء وهسه أجيت فلا تتوقعون اكو هواي بيهه .
ثاني شي بيهه 5 هويات متنوعه من أتحاد الصحفيين وهوية المصرف
ثالثاص بيهه كارتين بيهه ارقام تلفونات وبيهه صور شخصيه مالت معاملات يعني ممكن احتاجهن وبيهه قصاصات ورق بيهه ملاحظات من زمان وبيهه وصل شراء مالت طابعه وابشركم الطابعه عطلت وبعد اكو أشياء ثانيه



2- ما هو لونها ؟؟
أســـــــــود
3- ما هي ألفتره ألتي يقتضي بها أستبدالها ؟؟
يعني انت من محبي تجديد المحفظه دائما لو لحد متتكطع وتصير وصل وصل وتروح تخيطها ؟؟
ادري نمونه هي تكتل روحها ب5 الاف

ههههههههههههههههههههههه
لا والله حد ماتتكطع هسه تقريباً زينه بعد بيهه روح

4- هل تسمح لأفراد العائله أن يفتحوها ويطلعوا على ما فيها ؟؟
طبعا لو يموتون متخلي واحد يلزمها مووو
المحفظه والموبايل تعتبر من الخصوصيات بس ما عندي شي بالمحفظه مثل ما شرحتلكم وامي اذا أحتاجت شي تروح للمحفظه تاخذ عدها الصلاحيه ومرات ألكيها بأيد بنات أختي كل ورقه شامريهه بجهه وابقى الملم وراهم
- أذا حدث ونسيت ان تأخذها معك وخرجت من البيت هل تعود أم انك تكمل رحلتك ؟؟
يعني تخلصها تكسي قدم



أي طبعاً أرجع أخذها لأن السيطرات صايره مزعجه بس اكثر شي انساها بالسياره مو بالبيت




6- هل تحتوي محفظتك على أشياء خاصه ؟؟ ماهي ؟؟
ايييييييييييييييييييييييي وكعنا عالطين الحري

لاوالله مبيهه شي مااريد أحد يعرفه يعني اكثر شي خاص بيهه بس الهويات ونص العراق يدرون بيهن


7- هل سبق أن تعرضت لحادث سرقة أو ضياع محفظتك ؟؟ وما كانت ردة فعلك ؟؟
لا مااذكر يوم نسرقت المحفظه

ويتم تفاعل شباب المنتدى
وكل عضو يختار العضو الي بعده بس بشرط تكون المشاركه للشباب فقط
البنات بس يتفرجن ههههههههههه

طبعاً يتفرجن البنات لأن لو يريدن يفصلن شموجود بحقائبهن لحد باجر ميخلص الشرح

شكرااااااااااً أم علاوي على هذي المساحه الرائعه وراح أختار من بعدي الاخ أمير الربيعي

[ام علاوي]

طبعاً يتفرجن البنات لأن لو يريدن يفصلن شموجود بحقائبهن لحد باجر ميخلص الشرح

هههههههههههههههههههههههههههههه
اي والله ياديار جنط البنات المفروض يسموهن كناتير متنقله
لان كل وحده شايلتلها كنتور متنقل مو جنطه
هههههههههههههه
شكرا يامبدع على تلبية الدعوه
والف شكر للاجوبه الصادقه والظريفه
لاحرمنا مرورك الجميل
تحياتي الخالصه

[ام علاوي]

اخوتي الفراتيين ننتظر بشوق الاخ امير الربيعي لنبحر معه في خفايا محفظته
تحياتي

[ام علاوي]

اخوتي الفراتيين
بما ان الاخ امير الربيعي لم يلبي الدعوه
سأدعو الاخ الفاضل
المهندس علي
لنرى ماذا تحمل محفظته
ننتظر قدوم مهندسنه المبدع
تحياتي

[المهندس علي]

أخوتـــي

السلام عليكم
عليكم السلام ام علاوي الوردة
شكرا لك على دعوتي للموضوع الر ائع

لنكسر حاجز الملل في قسم الرجل
وبما اني من عشاق المغامرات والجديد دائما
وكذلك من محبي ادخال البسمه على محياكم
اخترت هذه المغامره
موضوعي لهذا أليوم واضح من العنوان

ألأ وهو ألبحث في محفظة أّدم ...




كـل رجلـ وخاصةً في مجتمعنا ألعراقي يحمل ما يسمى بالمحفظه

بالطبع تحمل ماليس للرجال عنه أستغناء (المال) وأشياء أخرى

مثلاً :

البعض يضع صورته أو صوره لأطفالهِ أو زوجتهِ ( نادراً طبعاَ )

أو حبيبتهِ أوشئ يذكرهُ بها كأن تكون ورقه صغيره مدرجه فيها عباره رومانسيه .. وهم نادرا مااعرف ليش


المهم




أسمحوا لنا ان نكتشف جزءاً بسيطاً من خصوصيتكم من خلال الأجابه عن هذه الأسئله :
بشرط ان تكون اجابات صريحه بعيده عن المغالاة
اكيد ساجيب بكل صراحة

1- ماذا تحوي محفظتك ألصغيره عددها بالتفصيل يعني بين قوسين طلع محفظتك وفتشها جيب جيب ؟؟
الحقيقة انا لم احمل معي محفظة ابدا لكني
ان وضعت محفظة ساضع فيها
النقود وهواياتي الاربعة الخاصة بي
ودفتر الملاحضات الخاص الصغير


2- ما هو لونها ؟؟
ساختار اللون الذي اعشقه
اللون الازر ق


3- ما هي ألفتره ألتي يقتضي بها أستبدالها ؟؟
اكيد عندما تتلف سابدلها باخرى
يعني انت من محبي تجديد المحفظه دائما لو لحد متتكطع وتصير وصل وصل وتروح تخيطها ؟؟
ههههههههه مو لهلدرجة عاد يابس انة
ادري نمونه هي تكتل روحها ب5 الاف
هذا السعر مناسب

4- هل تسمح لأفراد العائله أن يفتحوها ويطلعوا على ما فيها ؟؟
طبعا لو يموتون متخلي واحد يلزمها مووو
طبعا ادري هم قابل انظباطية
حتى يفتشون بيها

5- أذا حدث ونسيت ان تأخذها معك وخرجت من البيت هل تعود أم انك تكمل رحلتك ؟؟
اكيد ارجع لان فيها النقود والهويات مالاتي
يعني تخلصها تكسي قدم
لا عندي سيارتي الخاصة البطة

6- هل تحتوي محفظتك على أشياء خاصه ؟؟ ماهي ؟؟
ايييييييييييييييييييييييي وكعنا عالطين الحري
خاصة خاصة اذا اكو فاكيد بيها

7- هل سبق أن تعرضت لحادث سرقة أو ضياع محفظتك ؟؟ وما كانت ردة فعلك ؟؟
غير اكص ايدة لليدنة عليها لعد انة شنو نايم جنت بوكتها

اتمنى ان يعجبكم الموضوع
موضوع جدا شيق يا ام علاوي

ويتم تفاعل شباب المنتدى
اكيد راح يتفاعلون لان الموضوع جميل
وكل عضو يختار العضو الي بعده بس بشرط تكون المشاركه للشباب فقط
والله لو اكو للنساء جان اختاريت اختي نور الشرق بس ماعليه
راح اختار اخي الغالي العزيز الحر
بس لايضوض
في الختام اتمنى لك ام علاوي كل التوفيق والحياة السعيدة الهانئة
واكرر شكري لك على الدعوة مع خالص تحياتي واحتر امي
المهندس علي

[ام علاوي]

شكرا لروعة الحضور يابو حسين
دمت بهذه الشجاعه والتميز
والا ن ننتظر قدوم سيدنا الحر
لنغوص معه في محفظته
الي بس الله يدري شنو بيها
هههههههههههههه

[امير الربيعي]

اشكر الاخ ديــار على الاستضافه واشكر الاخت ام علاوي على هذا الموضوع وطبعا اني اعتذر جدا على التــاخير لسبب انشغالي في العمل وان شاء الله غيره بغيره
:
تحياتي لكم
:
امير الربيعي

[ام علاوي]

الاخ امير .. اهلا بك تنير الموضوع بأشراقتك الرائعه
لكن لماذا خيرها بغيرها
فالطريق مفتوح امامك وعليك بتلبيه دعوه الاخ ديار
والاجابه على الاسئله ومن ثم ترشيح عضو بعدك
سننتظر اجاباتك اخي
تحياتي