## موبيدي العشك يسري بحنايا الروح ##

[* البتول *]

موبيدي العشك
موبيدي العشك يسري بحنايا الروح
ومن شفتك حبيب الروح سميتك
حسيتك قر يب واغلى كل الناس
ولاجنك حبيب ويوميه اطب بيتك
ومو سكته ودفن حبيتك وخجلان
كل الناس تدري يوم حبيتك
بس تبقى لغز ماتنكشف للغير
يروحي بروح روح الروح ضميتك
ضميتك واغار من الهوى يحاويك
ومن ابد ماغرت مايوم حاجيتك
يانسمة هوى شمدريني راح اهواك
كلت مثل الهوى وما أدري شميتك
ومن ذاك الوكت ماغبت عن البال
الكلب بسمك تسجل ونحسب بيتك
يانبعة ورد مابيك نتفة شوك
ناعم يزهي لونك والعطر صيتك
فصلت البشر سويتهم تمثال
وانت الروح بالتمثال خليتك
حجر كل البشر بس كامو يحنون
قطرة انطيتهم من بحر حنيتك
يانهر العشك ياسلم الافراح عطشان وحزين وواكع وجيتك
عطشان وحزين وواكعوجيتك.
منقول

[جــبروت رجــل]

كلمات رائعة خطتها انامل اروع
عاشت الايادي اختي العزيزة على هذة الكلمات
المميزة والرائعة
دمتي ودام لنا هذا العطاء الجميل
تحياتي لكي

[المغترب العراقي]

شكرا لك البتول على هذه القصيده الجميله

[السومري71]

يانبعة ورد مابيك نتفة شوك
ناعم يزهي لونك والعطر صيتك
فصلت البشر سويتهم تمثال
وانت الروح بالتمثال خليتك
حجر كل البشر بس كامو يحنون
قطرة انطيتهم من بحر حنيتك
يانهر العشك ياسلم الافراح عطشان وحزين وواكع وجيتك
عطشان وحزين وواكعوجيتك.

قصيدة رائعه وصفت بها الحبيب فأحسنت
الأخت البتول اثني على حسن اختيارك
تحياتي

[* البتول *]

كلمات رائعة خطتها انامل اروع
عاشت الايادي اختي العزيزة على هذة الكلمات
المميزة والرائعة
دمتي ودام لنا هذا العطاء الجميل
تحياتي لكي

شكرا لك اخي الغالي
مرورك يسعدني لا حرمت من ردك الرائع

اسعدت بالخير دوما

تحياتي

[* البتول *]

شكرا لك البتول على هذه القصيده الجميله

الشكر لك اخي الكريم

على مرورك وردك
دمت بخير
تحياتي

والله انت الذهب وخوتك كلها ربح ...والشمس تشرق علي ادريها وكت الصبح..وشمسك تضوي علي والظلمه راحت مسح....صدكني هذا الصدك وبس لاتظنه مدح....ادريك بلسم صرت بيك انه اطيب الجرح

لاحرمنا الله من ابداعك البتول
ابداع دائم
اتمنى لكي الخير والسلامه