عتاب من امرأه كلها وفاء لزوجها المتمرد

[*كريم الزبيدي*]

بعد شتريد اسويلك

اصيرن شمعة واضويلك
بعد شتريد اسويلك

ابوك بشوش* واشويلك

نسيت شچنت اطبخلك وشچنت آنة احشيلك

آنة اللي چنت البخلك ومن كل الالوان اخليلك

وبالصالون اذب آلاف حتى بتسريحة حلوة اجيلك

اثاري الطبخ واللبخ ميفيد
شسويلك بعد يمعود دخيلك

ابن الاوادم نسيت شچنت اسويلك

من جنت تعطش وينكطع بوري الماي اگل لعيوني تبچيلك

واشربك من دموع العين ماي عذب يصفيلك

وك نسيت شچنت اسويلك

من چنت تتگلب وماتنام الليل آني اسهر وألوليلك*

والظهرية من تطفي الكهرباء أني اعرگ واهفيلك*

واذا بليلة مسج دزيت

ألم فلوس الكارت واعبيلك

ومن چنت تزعل علي جيش مشاية اوديلك

نسيت شجنت اسويلك

من اجيتني بطرگ دكان تبيع بي مصاصك ومساقيلك*

گلت رجلي وراعي بيتي

واجب علي لو ينكسر ظهري اشيلك

وحتى افتحلك محل بي خير ابيع بذهبي وابنيلك
وما كفت فلوس الذهب رحت تداينت وما جيت بيوم اشكيلك

وتسالني شجنت اسويلك !!!!!

ومن صارت عندك فليسات

صرت آني وجهالي كلشي

مانعنيلك

ومن اطلع اشتري خضورات تغافلني وتروح تلعب بذيلك

رصيدك خلص من المسجات يوم سمسم يوم نمنم تقشمرهن بمراسيلك

وبكل ليلة تجي سكران وريحة نسائية تعط من مناديلك









واليوم....اجيت إلي ندمان تطلب سماحي وتتوسل اجيلك

تقشمرني بكلمة احبچ

من حبتك حية بعد ما يعبر علي فيلك*

شحسبالك احنة بالمكسيك؟

لو انتة بمدبلج وتتفنن بتمثيلك

ما ارجع الك لو حتى تبني قصور روح بعيد انتة وكفشتك* وتواسيلك

تگلي بحقچ چنت آنه غلطان

من گبر اللي لفك ووجعة التشيلك

وانشالله التاج محل رحلتي تكون

وانت لأبو غريب يصير ترحيلك

وحق ذهباتي البعتهن
مول لفتح يم محلك واشرد كل معاميلك

وحق شيباتي اللي من القهر طلعن

لاصير اصالة بت نصري واغنيلك

اسفة شوفلك غيري تكنسلك وتطبخلك وتكويلك

وتسويلك ولو ذرة من الچنت آنة اسويلك

*بشوش : ومفردها بشّة وهي البطة او الوزة
*الوليلك:وهي عملية الغناء للطفل حتى ينچب وينام
*اهفيلك:كلمة قديمة ولم يعد لها استعمال بسبب توفر الكهرباء
*مساقيلك: ومفردها مسقولة وهو ماكنتوش عراقي
*فيلك : وهو الفيل , كائن يطير عندما يبدأ الانسان بالكذب
*كفشتك : وهي تسريحة غير قانونية يعني فاول

[السومري71]

ههههههههههههههههههههه
شنهاي اليوم ابو حاتم صاير شاعر
والله عاشت ايدك
تحياتي لك

[ابو الطيبات]

هههههههههههههه

تسلم حبيبي و الله هواي حلوة

عاشت اياديك و الله يعطيك العافية

تحياتي يالغالي

[ملكة الاحساس]

هههههههههههههه
يسلمووووو الايادي حلوه كثير هع هع

[ام فيصل]

هههههههههههههههههههههههههههههههه
ابو حاتم هذا شلون وفه

اولهه دلع وآخرهه دعاوي وحجي عليه هههههههههههههههههههههه

الله يسامحه على هالعمايل السواهه بالمسكينة

وهذي الأبيات وايد ضحكتني

تگلي بحقچ چنت آنه غلطان
من گبر اللي لفك ووجعة التشيلك
وانشالله التاج محل رحلتي تكون
وانت لأبو غريب يصير ترحيلك

تحياتي لك مصورنه وشاعرنه

ههههههههههههههه

قصدية تضحك بس انقهرت عليها خطية بايعة الاول والتالي

يسلموو مشاركة جميلة

[حوريه البحر]

هههههههههههه هاي ياعتاب كرهته بساعه الزوجها بيها اشو ذلته ذل خطيه الرجال

[الحلم الوردي84]

تگلي بحقچ چنت آنه غلطان

من گبر اللي لفك ووجعة التشيلك


ههههههههههههههههههههههههههههههههههههههههههههههههه والله ظحكتني كرومي الغالي شكرا عالطرفه الحلوه هههههههههههههههههههه عاشت ايدك وايد الزوجه المصونه عالتعبير الراقي هههههه