صفـــــــــــــــــــــنة الشاعــــــــــــــــــر
إنكســر خاطــر لهفتي وأنتـه عني بعيــد
وغيــرك ماكو واحــد يجــبر الخاطــر
صـِوَّرَكْ ..والمدامِـع...والشعـر ...والليـل
كلهـن مني يـردن يمـــك إنسافـِـــر
الملح غـَيــّمْ بجفـني وصوتَكْ اِعله البــال
وعيـني إبإذن طيفـَــك ظلَّـت إتشــاوِر
إگلّلـها المشـــه ماأضـن ليچ إيعـــود
تعانــدني وتگـلي اليعشــَك إيناطـِــر
أگلها اليوم خلَّـصْ ...وينـه ؟ شو ماجــاچ ؟
تگـلي الأمـل باللّـه ونصـْـبر الباچـِــر
إگـلّلها الدمـع مكــروه يـوم العيـــد
تگـلي الدمــع واجــب ليلـة العاشِــر
أگلــها الصُبـح يكـره گعـْـدَة الحلمـان
تگلي الليــل يعشـگ ..(صفنـة الشاعـر)
أكـلّلها العطـش أول اعـراض المــــوت
تگـلي الـدرب يعــرُف دوسـة الحافـــر
أگلـها الشجـرة تـِزْهَگ لو هِجـرها الطيــر
وراه لازم تگـلي اغصــــانها إتهـاجـِــر
أغافُلـها وأحطـْـها إبــأول الغافيـــــن
تغـافُلني وتــروح أتصيــر بالآخـــــر
أگلّلــها الدمــع بخـدودي ثاگب نـــار
تگــابلني بجمــرها وگاعــد إتكاسـِــر
أقنّـِع عيـن بيهــن بلكـي ساعـه أرتــاح
ماترضـه وتگلـي الثانيــــه إتخــــازر
أگـلّلها العثـك لو عِلـه ايخـاوي الجـــوع
تگـلي إجفـوف عدنـه ونگعـد إنشـامـــر
أگــلّلها اليطيـــر الريــح تتمنــــاه
تگلي إجـــدام عدنــه ونلحـگ الطايــر
أحطلهــا الوســن واتگـول لا..ماريـــد
عيـن الحبلــه تكـره نومــة العاجــــر
أگلّلهـا اللسـان ويــاچ مـوش اعليـــچ
والصايــر عليــچ ،إعليــه هـم صايــر
تگـلي الحــط إديــه إبسكتــةالراضيـن
مـو مثــل اليحطهــن بالحچـي الفايـــر0
للشاعر الدكتور فلاح الزيدي
رد مع اقتباس
رد: صفـــــــــــــــــــــنة الشاعــــــــــــــــــر
رد: صفـــــــــــــــــــــنة الشاعــــــــــــــــــر
المشاركة الأصلية كتبت بواسطة الامير سامر
