أنا..> مش فاضى .. أنا..> مستعجل ..> عندى إذاعه
:
الاخوه والاخوات تحيه طيبه من اعماق قلبى اهديها اليكم ثم اما بعد :....
:
$ همسه $
دوما أنا ببدأ مواضيعى بمدخل بسيط يوضح ما أطرحه
وأتحدث عنه ولكنى هنا . حبيتُ أن أنوه بهمسه أهمس
فى أُذن الجميع .. أن كتاباتى صاحبة الفضل فيها .
خطيبتى وقرة عينى وفرحة قلبى , فلها منى السلام وكل التحيه
والتقدير والمعزه والاخلاص والتفانى والوفاء والحب .
ولروحها أهدى هذا الابداع , فأنتِ حبيبتى صاحبة الفضل.
$ مدخل $
الحياه صارت كأنها محطات إذاعيه والكل مستعجل
لكى يتسوق من تلك المحطات , والغرف فى المحطه كثيره
والكل مش فاضى ومستعجل , الجميع بينهال وبيتسوق
من الكذب والغش والخداع والنفاق .........الخ
والكل بيتجاهل
الصدق والامانه والصراحه والبشاشه ...الخ
والحياه حتما لاتباع ولا تشترى ولكنه البشر
غير كل شيئ وهانته عليه القلوب الطاهره
فلله الامر من قبل ومن بعد
$الحكايه $
المشاركة الأصلية كتبت بواسطة صدى الاحاسيس
أنا مش فاضى أنا عندى إذاعه
هو كده بالظبط وكالعاده حين الحاجه , والحكايه مش محتاجه
لان القصه مش عايزه توضيح , لان من مده قلت الحكايه ,
والحكايه واقع بنعيشه والعيشه باقت صعبه والناس أكترهم بقوا
مفترين أوحتى صعبين , ده أنا ...!!! ؟؟؟ ولا بلاش.... لا هقول ولا مش مشكله الامر مش يستحق والحق راح وعليه العوض ومنه العوض.
وانا من كام شهر قلت القصه والقصه
عايزه قعده والقعده محتاجه قواله وساعتها هتطلب كوباية شاى
وانا مش فاضى ولا عمرى ما كنت فاضى ولاعايز اكون كده
لان زى ما بيقولوا كده الفاضى بيعمل قاضى والقاضى عايز
عربيه والعربيه محتاجه سواق والسواق محتاج فلوس وانا مش معايا
ده أنا سالف ومديون وحالتى حاله , مالاقيش حد يسد عنى ديونى ,
وديونى مش كتيره , هما يدوبك متين وخمسين جنيه , ايه الى أنا بقوله ده
بلاش فضايح وخلى الطابق مستور وعدى الدور , لانك مش فاضى
فعلا أنا مش فاضى ولاعمرى هكون فاضى , وانا من كام شهر . تحديدا
شهر عشره قلت بصوت عالى أنى ياناس إنسان شريف شريف والله شريف
أيها الناس عفوا إنى إنسان شريف ليس على إطار هذا الزمان ..
أنا مش فاضى أنا مستعجل عندى إذاعه
والحكايه مش كده, الحكايه أنى ممكن ومش ممكن
أسيب النت والمنتدى , بس دى برده مش قصتى , القصه اساسا أساسا
أنى هغيب كام يوم , ومش جديده يعنى لانها ديما كالعاده
والعاده مش عايزه قواله , لان كل الحكايه رايح ومسافرالشغل كالعاده.
وهى اصلا مش محتاجه حاجه , لان الحاجه وجبت وطلت مش على غير العاده .
كل الحكايه أنى . رايح الى ما يتسمى الشغل . وآه منه عايز
قعده وقواله , والوقت مش مكفى لاقول لكم انى ببقى محتاج للكلام لانى
متعبِى . هنفجر . من القصص والحكايات . والى تعبنى أن الحكايه مش محتاجه لكل ده . أفشخنات وأفلامانات ومسلسلات وكله فى الفاضى
وآه منه الفاضى , عايز يعمل أل إيه قاضى طب ياريت يتنيل ويبقى
قاضى ويسكت , ده الحسره إنه عايز يبقى جلاد وقاضى
والقصه مش محتاجه والحكايه عايزه قعده والقعده عايز فاضى .
وأنا مش فاضى ورايا إذاعه, لانى جعان وباطنى بتصوصوا , وقران العصر شغال يعنى هقوم أتوضى فى الحال وأجهز للصلاه وبعد كده هبقى أفكر أتغدى لانى جعان وبطنى فاضيه وبتصوصو , بتقول ليا آن الاوان لان تملئنى بالذى والى كان , وحظك يابطنى ويا سعدك , الحاجّه عامله فراخ
والفراخ لسه هتتحمر , وأنا مش فاضى لان القصه مش محتاجه
والحاجه بتقول كفايه , لسه هحمر وأسخن وأجهز وآكل وهّضم.
وأنا الى هعمل كل ده , هسخن وهحمر وأجهز وهغرف .
آه متعود على نفسى . مافيش زيي أتنين . واد مكافح وأصيل .
بس بينى وبينكم . ومافيش حد يفتن ويقول لحد . أنا باكل ومش بغسل
الاطباق , آه أنا واد ليا كرامه .
أه إخص جيت على الجرح , كرامة ايه يا شيخ . وحياة أبوك
إسكت ومش تقلب المواجع . , . الدنيا بقه فيها إيه يا ناس ,
الكل بقه بيظلم , ويجرح , ويقسى , القلوب خلاص إتقفلت ,
وبقى مكانه جحر , جحر ايه ؟ ده ربنا سبحانه وتعالى قال
"ثم قست قلوبكم من بعد ذلك فهي كالحجارة أو أشد قسوة وإن من الحجارة لما يتفجر منه الأنهار وإن منها لما يشقق فيخرج منه الماء وإن منها لما يهبط من خشية الله "
قلوب بقة حديد صلب , الكل بيقسى على الكل وماعاد فيه رحمه .
الرحمه ياصاحب الرحمه , بس حبيبنا قالعليه الصلاة والسلام
" من لايرحم لا يُرحم " و " إرحموا من فى الارض يرحمكم من فى السماء"
خلاصه مافيش إنسانيه خلاص , الكل بيدور على الزايل زى
الكرسى والمال الكل زايل الا الواحد القاهر .
بقولكم ايه انا مش فاضى , وشكلكم انتم فاضين , أنا رايح أصلى
وربنا يسامحنى ويسامح الجميع , وبعد ما أصلى لينا كلام والكلام
محتاج مخمخه , وهتيجى ازاى ياعم صدى , . العقل راح والقلب حصله
بس أنا بس راحوا لمهجتى وقرة عينى خطيبتى
أهى خطبتى بترن عليا
بتنبهنى قوم وصلى وادعى ربنا أن يهدى الجميع , وخطبتى هى أصلا حكايه
وانا مش فاضى كل الى أحب أقوله أنها كل حياتى وحياتى بقت معاها
حكايه آه قصص وحكايه . هى بنت مصريه أصليه ومتربيه على الاخلاق
والدين . محافظه على الصلاه ومداومه على حفظ كتاب الله هديه من ربنا
ليا , وعن كده كتبت ليها هديه خاطره كده بسيطه هديه :.....
فى كل يوم ..."Moon Of My Life" إهداء إلى خطيبتى وزوجتى مستقبلا
عبرت فيها عن الى جوايا والى جوايا
قصص وحكايات محتاجه دواوين وإقلام وانا مش معايا قلم وقلمى قرب حبره يخلص , حبكة يعنى يخلص لما تيجى سيرة خطبتى حببتى ,إجعل كلامنا خفيف عليها
خطبيتى حبيبتى وعمرى إنتى الي ليا , فرحتى فى الدنيا ديا .
هفضل أحبك وأصونك حتى لو دبحونى وحبسونى فى الضلمه المخيفه ديا
بحبك يا قدرى ونصيبى وسعدى فى الحياه ديا .
وابنى خالى ياسر برده لسه خاطب , وواجع دماغى كل شويه
ويقول ليا يا ابن عمتى إنهضنى بكلمه حلوه اهديها بالمره للحلوه خطبتى ديا
وبما أنى صدى للاحاسيس بهريه رسايل لمهجته ديا , أهو بساعد
والاجر والثواب عند الى ما لايغفل ولا ينام ,
بقولكم ايه أنا مش فاضى أنا مستعجل عندى مشوار ومش ذايع .
والى زعلان انا بقوله أخبط راسك فى المخده ونام , فكرتونى
والله بالنوم , راح من عنايا النوم من افعال البشريه ديا
حقد وغل وكره وظلم وإفترى ليه كل ده وعشان ايه ده .
بقول لكم ايه أنا رايح وماشى وأمرى لله وعايزقبل ما أمشى وأروح
أقتبس حكمه أذكركم بيها وهى :
أنه حقاً
لا ينال العلا من كان طبعه الغضب
و
لكل داء دواء يستطاب به إلا الحماقة أعيت من يداويها
يلا بقه سلام وسلمونى على الحبابيب والاهل والجيران وسمعونى زغروته
حلوه كده وفى النهايه أحب أسمع أغنية يا ست الحنانه حنانه إنتى
وأهديها لخطبتى حبيبتى
والسلام عليكم لانى
أنا..> مش فاضى .. أنا..> مستعجل ..> عندى إذاعه
...
..
.
وأخيرا لكم منى تحيه طيبه , وأشواق حاره إلى كل
القراء الأعزاء والسلام ختام كتبها لكم ومن وحى قلمى
::::
و لا تنسونى من دعوة صالحة
إن ربنا يتوب علينا و يهدينا و يوفقنا لما يحب و يرضى ..
و طبعا >>حقوق النشر للجميع<<
لو رأيت إنه يستحق النشربشرط أن تذكر رابطه الاصلى:
منتدى العمالقهطبعا أو على الأقل تذكر إنه منقول
رد مع اقتباس
رد: أنا..> مش فاضى .. أنا..> مستعجل ..> عندى إذاعه
