أنة همومي جهال وترضع دموع

[عراقي أصيل]

القصيدة بعنوانها واضحة للقارئ الكريم

أنة همومي جهال وترضع دموع

أكَضي الليل ألولي وما يهيدون

أغفي بهاذ يكَعد ذاك ويلوع

ويفزون أعلة صوتة وما ينامون

الكبر منهم فطمتة وياكل ضلوع

وشسوي شلون لو كلهم يكبرون

جنح بية أنكسر والثاني مخلوع

وطرت كَوة على عناد اليكرهون

بس أسمك نهر والماي مكَطوع

وآنة أعلة الجرف ألهث بالعيون

أون بسكوت موش بصوت مسموع

وأنة جروحي علج والوادم سنون

من عركَة الفرح من كَلبي مشلوع

وشتل حزنة الزمان بنص العيون

عشت زغري بيتم ومكَمط بجوع

ورضعت الضيم من دون اليرضعون

يمرني العيد وآنة بثوب مركَوع

وعيديتي جرح عكس اليعيدون

وتمنيت الوكت لو يرجع رجوع

أنة مسودن وأريدن يرجع الكون

بعدة أخضر عشكَنا وتوة مزروع

وأحو ربعي بمناجلهم يحصدون

يونس زين عمي بحوت مبلوع

أنة بحلكَـ الشماتة الما يرحمون

تحياتي

فارس الليل العراقي

[رفيع التهذيب]

من عركة الفرح من كلبي مشلوع شتل حزنة الزمان بنص العيون
كلمات رائة وقصيدة معبرة
سلمت اناملك فارس الليل العراقي
تقبل مروري
اخوك
رفيع التهذيب

يا رفيع التهذيب ورجعي الأراء
يا رجلآ يرفض ان يكون بين الارض
والسماء..الأتعرف أن الطائر
الذكي يغني ولايكرر الغنـــــــــاء







اني لارفض ان اكون قزمآ
مهرجآ على كلماتة يحتالـــــــــــــو
مازلتي في فن الحب طفلة
بيني وبينك أبحرآ وجبالــــــــــــــــــو

والله ثم والله ثم والله قصيدة جدأ رائعة واني بذات اتئثرت بيه وعااااااااااااشت ايدك اخوية العزيز على هذه الكلمات الجميلة

[عراقي أصيل]

يسلملي مرورك أخوية رفيع

نورت القصيدة

تحياتي

فارس الليل العراقي

[عراقي أصيل]

والله ثم والله ثم والله قصيدة جدأ رائعة واني بذات اتئثرت بيه وعااااااااااااشت ايدك اخوية العزيز على هذه الكلمات الجميلة

أنت العايش تاج راسي محمد الخفاجي
مشكور على مرورك



تحياتي

فارس الليل العراقي

مشكووووووووووووور على الكلمات حلوه وجميله

تحياتي الك

[عراقي أصيل]

شكراً أخي نبض القلووب على مرورك

تحياتي

فارس الليل العراقي