منى ابوذيه ومنك ابوذيه

[noraa]

السلام عليكم ورحمة الله وبركاته
اخوانى الاعزاء فكرة الموضوع واضحه وسهله
انى منى ابوذيه والمشارك الى بعدى يشارك بابوذيه وهكذا يستمر الموضوع

ارجوالتفاعل






وانى راح ابداء باول مشاركه






اريد اخبط زميج الرمل .. والحر
وادور عل صديج الوفي .. والحر
نخيت الهل وابو الحسنين .. والحر
يحفظ كل اخو يذكر خويـــه



الى بعدى؟

[امير الاحزان:]

بارك الله فيك اختي الغالية
فكرة رائعة
نتمنى من الاخوة التفاعل

واني راح اكون اول المارين على فكرتك

صرت منخل لجل ربعي ولما
وطبعهم ماي ماينلم ولما
شلتهم طاحو كبالي ولما
طحت ركضو خذو ثوب العليه

شكرا" لك عزيزتي
نتمنى لك التواصل
مع فائق مودتي

[الشاعركريم السلطاني]

حبل وصلك عكته اسنين منحل
ابعون اللة قوي والحيل منحل
صرت انه الزماني اليوم منحل
العسل الهم ونة اللدغات بية
تحياتي

[noraa]

شكرا لتواجدكم اخوانى

مشيت وشوككم عتنى وردنى
مسحت الدمع بجفوفى وردنى
اذا مكتوب من عدكم وردنى
مثل ميت ترد الروح بيه


تحياتى

طحت لا حيل بية اكعد ولاكوم
ولا خوان فزعــــــــــــولي ولا كو
ولانة بصلح وي وكتـــــي ولاكوم
ارضيه ويرد يزعل علية

[رنا العراقية]

ترف بيام وصلك جنت مسعود

وهسة انة من الهجران بس عود

يزي يزي يا شريك العمر بس عود


ترة من اتعود روحي اتعود الية

مع تحياتي

[بلسم الروح]

ثوب الحزن بفراكك لبسنه
وثكيل الطبع طبعه لو لبسنه؟؟
ولك خدك ماوصلناله لا .. بسنه
تزعل ليش يمدلل عليــــه؟

روحي وياك ماتكطع وصلها
وتفرح لو خبر منك وصلها
تظل انته نبع المحبه واصلها
وتظل رغم البعد غالي عليه