استجواب في المطبخ,,,,,ارجوا التفاعل

[انين الدموع]

سلام عليكم

شكراا لكي عراقية على الاجوبه

تحيااتي لكي

[انين الدموع]

السلام عليكم ورحمة الله وبركاته

1/ هل تحب الطبخ ؟ ويعتمدعليك في الطبخ أو لا ؟ كم كان عمرك اول ماطبخت ؟

نعم احب الطبخ :: مممم يعني مو مية بالمية ::نعم :::: واني عندي 22 سنة

2/ اول طبخه طبختها وش كانت هي؟ وش كان شعورك وانت تذوقها؟
و كثرت في المواعين ولا قليل..؟

والله ماذكر شنو الطبخه الي سويته بالاول هههههههه:::: يووو اذكر من طبخت احترقت الاطبخه
وكان فيه كثير من ملح زعلت كثير:::: اكيد كثير مواعين ولحد هسه مابعرف اسوي اقتصااد ههههه

3/ طبخه طبختها وفشلت فيها وش كان شعورك وقتها والكل منتظر ؟

مممم طبخه الايطاليه لازانيااا فشلت فيه وزعلت

4/ وشو شعورك اذا طبخت طبخه وعزمت الكل عليها و عجبتهم ؟ وشو ردت فعلهم؟

اني من طبعي اخجل كثير واصير احمر هههه يعني هيج مريت بموقف مثل هذا
وصرت اتحجج انو اريد اجيب شي لهم واقدمه صرت ابقى في المطبخ حتى يغيروو الموضوع

5/ اذا عزمت ضيوف تتطبخ لهم وإلا تشتري جاهز من المطعم؟

بالاول اي بشتري جاهز بس هسه لا انا بطبخ في البيت

6/ لما تخلص من الطبخ ..تغسل مواعينك ولا تخليهم على غيرك ؟ ههه

اي اكيد

7/ موقف صار معاك في المطبخ و ما بتنساه؟

كثير مواقف كولي ههه
مره كنت جالسه مع الماما بنعمل شي اكله وصار الفرن يشتعل ناار واخترق المطبخ وكثير هذا الموفق ما انساه
كان مرعب شي

8/ هل تستمع لشي اثناء الطبخ؟

لا احب اركز ويكون هدوء

9/ هل تحب يشاركك احد في المطبخ؟

لا ماحب ابدا

10/ اذا سويت طبخه ترج البيت وتخليهم غصب طيب ياكلوها ولا مايهمك اكلوها ولالا ؟

اي اكيد اخليهم ياكلووه لعد تعباانه ومخلصه كل وقت على طبخه بالاخير ماتخلص كله هههههه

11/ تتابع برناامج الطبخ في التلفاااااز وهل تشتري كتب طبخ؟

نعم كثير اتابع واحب بعد اسويهم افكار جديده ::::: نعم كثير عندي مكتبه خاصه للكتب الطبخ :

12/ اي الاحسن في الطبخ المرأه ام الرجل؟

والله ماتفرق شي كثير رجاال هم شطاار بالطبخ ممممممم

13/ في شهر رمضان ..وشو الطبخاات الا تسويها؟

شوربه اكيد مانستغنا عنها

14/ تساعد امك في المطبخ؟وإذا كان تساعدها شنو الطبخه الا تعلمتها من أمك؟؟

اي احياانا اذا في ضيووف عندنا في البيت :::: كثير والله اكثر الاكلات العراقية

15/ في طبخة اخترعتها من نفسك يعني حطيت شي على شي وطلعت خووش طبخة ؟شنو هي ؟

ممممم والله ماكذب عليج مامجربه هههههه

16/ ماذا تفضل ( الفرن الكهربآئي او بالغـآز )

كهربائي

17/ ما هي الاكلات التي لا تحب تاكلها ابدا؟؟ما هي الاكلات الي ما تستغني عنها ؟

الاكله الي ماحبه الي كل فيه شي اسمه لحووم :::: والي احبه كثير اشيااء مثل الفجترين فوود
واكله العربيه مثلسلطة التبووله ورق العنب وكثير

18/ وش الطبخه الي تفكر تسويها اذا كان في مسابقة الطبخه الاحلى؟

مافي

19/ اذا كنت رايق أومضايق في الطبخ تتفن ..او عادي؟

عاادي

20/ ويش يهمك بالمطبخ اكثر شي ؟

زينه

21/ اخر طبخة طبختها؟

سمك

22/ اذا انتي متزوجه هل زوجك يحب طبخه دائماً انتي تسويها وفي طبخه مايحبها انتي تسويها؟

_____

23/ افضل مطعم بالنسبة لك وتشتري منه واجد ؟
panda express
Mexican Restaurant

24/ ماهو الطبخ بالنسبة لك ( علم , فن , احترآف ) ؟

فن واحتراف

25/ هل سبق و أنت تتطبخ جرحت نفسك ؟

كثير

26/ هل مر عليك ونسيت تحط فلفل أو ملح او سكر في طبخة معينة ؟ أو مرة قلبت السكر بالملح او العكس يوم من الايام ؟

نعم كل الاوقات هيك يصير معي

27/ متى تحط الملح في اللحم , قبل الطبخ او بعد؟

بعد

28/ في احـد من بيتكم يعرف يطبخ غير الام والبنات ؟

اي نعم اخواني الشباب يعرفوو

29/ تحبين اذا طبخت دايما يعطوك رايهم ولا المهم ياكلوه ؟

اكيد رايهم اهم شي عندي

30/ وشو الطبخه الي ماتحبي تسويها ابد؟

ملفوف ورق عنب كثير صعب

31/ اذا كان الغذاء شيء ماتحبيه هل تجلسي مع الأهل وتاكلي فواكه ورز او تسوي إلش شيء او تنتظري العشاء؟؟

اجلس معهم بس احول اكول فواكه

32/ يقولوا ( ان الي يطبخ ما يحب ياكل اكله كثر انه يحب غيره ياكل اكله ) تعليقك؟؟

اني هيك ماحب اكول الاكل الي اعمله بس مو كل الاوقاات من اصير تعباانه ماحب اكول الطبخ

33/ اكتب لنا وصفة بالرز تعرف تسويها ؟ وصورها لنا علشان نجربها؟ (إذا تقدر)

والله مابعرف كثير بس الرز مع البزلاء وافتكر شي مو غريب عليكم
انا من نوع الي مايطبخ الرز كثير يعني مو شاطره بطبخ الرز لان مو من المحبين الرز


شكراا لكي عزيززتي على الاستضاافه

تحيااااتي لجميع

[انين الدموع]

والان نتظر الاخ المبدع (((( karimmousa)))))

[*كريم الزبيدي*]

بسم الله الرحمن الرحيم

اولا اشكر الاخت الغالية انين الدموع عالدعوه الصادقة
وانا احييج على الافكار الجميلة

وانا بدوري بصراحة ماادبرهه بالمطبخ هههههههههههه

لكن لعيون الفرات راح اجاوب على كل سؤال

/ هل تحب الطبخ ؟ ويعتمدعليك في الطبخ أو لا ؟ كم كان عمرك اول ماطبخت ؟
بصراحة اني مااحب الطبخ لاني اعتمد على اهلي

2/ اول طبخه طبختها وش كانت هي؟ وش كان شعورك وانت تذوقها؟
و كثرت في المواعين ولا قليل..؟
مرقة لحم غنم كانت جدا طيبه
3/ طبخه طبختها وفشلت فيها وش كان شعورك وقتها والكل منتظر ؟

مرقة فاصوليه
4/ وشو شعورك اذا طبخت طبخه وعزمت الكل عليها و عجبتهم ؟ وشو ردت فعلهم؟

اكون جدا سعيد اعتبر نفسي طباخ ماهر

5/ اذا عزمت ضيوف تتطبخ لهم وإلا تشتري جاهز من المطعم؟

لا اكيد اخذهم للمطعم افضل
6/ لما تخلص من الطبخ ..تغسل مواعينك ولا تخليهم على غيرك ؟ ههه
اذا اني موجود بالبيت بمفردي اكيد اغسلهم في نفس الوقت
7/ موقف صار معاك في المطبخ و ما بتنساه؟
في يوم من الايام اني بمفردي بالبيت حبيت اشتريت كباب جاهز من الاسواق وقمت باعدادة في البيت
ماعجبني طعمه رميته الى القطط
تصوروا القطط رفضت تناوله
ههههههههههههه
8/ هل تستمع لشي اثناء الطبخ؟
مو شرط
احيانا
9/ هل تحب يشاركك احد في المطبخ؟

ياريت ايخلصني من الورطه
10/ اذا سويت طبخه ترج البيت وتخليهم غصب طيب ياكلوها ولا مايهمك اكلوها ولالا ؟
ليش الي بالبيت ايخلوني اطبخ
اني عليه بس اكل
11/ تتابع برناامج الطبخ في التلفاااااز وهل تشتري كتب طبخ؟
لا مااحب اتابع ولا اشتري كتب طبخ
12/ اي الاحسن في الطبخ المرأه ام الرجل؟
اكيد المرأة
13/ في شهر رمضان ..وشو الطبخاات الا تسويها؟
تمر بالدهن
14/ تساعد امك في المطبخ؟وإذا كان تساعدها شنو الطبخه الا تعلمتها من أمك؟؟
لا متخليني لاني مااكعد راحة ههههههه
15/ في طبخة اخترعتها من نفسك يعني حطيت شي على شي وطلعت خووش طبخة ؟شنو هي ؟

لحم على بطاطة على بصل على بهرات
صارت اكله واني عجبتني واكلته لاني كنت جوعان
16/ ماذا تفضل ( الفرن الكهربآئي او بالغـآز ) اكيد الغاز اسرع
17/ ما هي الاكلات التي لا تحب تاكلها ابدا؟؟ما هي الاكلات الي ما تستغني عنها ؟
معكرونه مااطيقه ..... الدولمة اموت عليه
18/ وش الطبخه الي تفكر تسويها اذا كان في مسابقة الطبخه الاحلى؟

اكيد افشل لاني مااعرف اطبخ
19/ اذا كنت رايق أومضايق في الطبخ تتفن ..او عادي؟
عادي جدا .... لاني مو فنان بالطبخ
20/ ويش يهمك بالمطبخ اكثر شي ؟
نضافة المكان
21/ اخر طبخة طبختها؟
تبسي دجاج
22/ اذا انتي متزوجه هل زوجك يحب طبخه دائماً انتي تسويها وفي طبخه مايحبها انتي تسويها؟
سؤالي غير موجه الي ههههههههه
23/ افضل مطعم بالنسبة لك وتشتري منه واجد ؟
اكيد هواي مطاعم ممتازه بغداد
24/ ماهو الطبخ بالنسبة لك ( علم , فن , احترآف ) ؟
الكل
25/ هل سبق و أنت تتطبخ جرحت نفسك ؟

لا ماكو حوادث تذكر
26/ هل مر عليك ونسيت تحط فلفل أو ملح او سكر في طبخة معينة ؟ أو مرة
لا ابدا
قلبت السكر بالملح او العكس يوم من الايام ؟
اي اكيد
27/ متى تحط الملح في اللحم , قبل الطبخ او بعد؟
لا بعد الطبخ
28/ في احـد من بيتكم يعرف يطبخ غير الام والبنات ؟

اي اكيد .... اني بس اخربهه
29/ تحبين اذا طبخت دايما يعطوك رايهم ولا المهم ياكلوه ؟

؟؟؟؟؟؟
30/ وشو الطبخه الي ماتحب تسويها ابد؟
مااعرف

31/ اذا كان الغذاء شيء ماتحبيه هل تجلس مع الأهل وتاكل فواكه ورز او تسوي إلش شيء او تنتظر العشاء؟؟
اكل فواكه
32/ يقولوا ( ان الي يطبخ ما يحب ياكل اكله كثر انه يحب غيره ياكل اكله ) تعليقك؟؟

لا مو شرط
33/ اكتب لنا وصفة بالرز تعرف تسويها ؟ وصورها لنا علشان نجربها؟ (إذا تقدر)

مااعرف
ارجوا المعذرة
تحياتي

[انين الدموع]

سلام عليكم

اخ كريم شكراا لكم على الاجوبه جداا كانت ممتعه

شكراا لك

[انين الدموع]

والان نتظر الاخت المبدعه ((ام فيصل ))

ام فيصل

[ام فيصل]

تحياتي لك عزيزتي أنين
وشكرا لك وللإستضافة وللموضوع الجميل
فكرة حلوة
دمتي بهذا التألق

1/ هل تحب الطبخ ؟ ويعتمدعليك في الطبخ أو لا ؟ كم كان عمرك اول ماطبخت ؟

نعم احب الطبخ -- ويعتمد عليه في الطبخ بالتأكيد

كان عمري 20 سنة اول ماطبخت
وفي بداية زواجي

2/ اول طبخه طبختها وش كانت هي؟ وش كان شعورك وانت تذوقها؟
و كثرت في المواعين ولا قليل..؟

الرز -- ماكان الرز مضبوط كان معجن شوي
لا لم اكثر في الصحون

3/ طبخه طبختها وفشلت فيها وش كان شعورك وقتها والكل منتظر ؟

الرز طبعا وكان في بداية دخولي المطبخ ولم اعرف مقدار الماء الواجب اضافته للرز وكانت النتيجة انه شوي معجـّن وليس نثري

طبعا خجلت لأن كان عندي اختي الكبيرة ضيفة عالغداء بس عادي ضحكوا وهمه ياكلونه هههههه

4/ وشو شعورك اذا طبخت طبخه وعزمت الكل عليها و عجبتهم ؟ وشو ردت فعلهم؟

اكيد راح ياكلون اصابيعهم وره الاكله

طبعا استانس لأن تعبي ماراح خسارة والإعجاب او النقد مهم عشان المقابل يتعلم في الحالتين ويكون للأحسن

5/ اذا عزمت ضيوف تتطبخ لهم وإلا تشتري جاهز من المطعم؟

لا أطبخ بالبيت اطيب ولو في تعب بس
حلو لما يكون من ايدي

6/ لما تخلص من الطبخ ..تغسل مواعينك ولا تخليهم على غيرك ؟ ههه

نعم اغسل الصحون وبيدي

7/ موقف صار معاك في المطبخ و ما بتنساه؟

ماأذكـــــر

8/ هل تستمع لشي اثناء الطبخ؟

اي افتح راديوا لان اضوج

لا مااسمع شي لأني احب الهدوء وآنه اشتغل

9/ هل تحب يشاركك احد في المطبخ؟

اي نعم احيانا

10/ اذا سويت طبخه ترج البيت وتخليهم غصب طيب ياكلوها ولا مايهمك اكلوها ولالا ؟

لا اكيد يهمني ياكلوها حتى اشوفهه
عجبتهم والا لا

11/ تتابع برناامج الطبخ في التلفاااااز وهل تشتري كتب طبخ؟

احيانا اتابع برنامج للطبخ
ومااشتري كتب للطبخ

12/ اي الاحسن في الطبخ المرأه ام الرجل؟

باعتقادي ان الرجل اكثر مهارة
ولذلك نشوف كل المطاعم وفي الفنادق الطباخين من الرجال

13/ في شهر رمضان ..وشو الطبخاات الا تسويها؟

الشوربات - الجريش
الهريس - التشريب هذه اهم الأكلات ولازم تكون موجودة على السُفرة لأنها الأساسية برمضان

14/ تساعد امك في المطبخ؟وإذا كان تساعدها شنو الطبخه الا تعلمتها من أمك؟؟

لا ماكنت اساعدهه لانها ماتحب احد يدخل معاهه المطبخ وآنه الحين طلعت عليهه

15/ في طبخة اخترعتها من نفسك يعني حطيت شي على شي وطلعت خووش طبخة ؟شنو هي ؟

اي نعم -- اغلب الطعام خصوصا بالعشاء
والتفنن بعمل الباستا هو احله شي

16/ ماذا تفضل ( الفرن الكهربآئي او بالغـآز )

ماعندي مشكلة اي واحد عادي

17/ ما هي الاكلات التي لا تحب تاكلها ابدا؟؟ما هي الاكلات الي ما تستغني عنها ؟

والله الصراحة الأكلات الي يكون فيهه كريمة
او مضاف لها الأجبان مثل الموزاريلا
او الي فيهه زبدة

18/ وش الطبخه الي تفكر تسويها اذا كان في مسابقة الطبخه الاحلى؟

مقلوبة الرز

19/ اذا كنت رايق أومضايق في الطبخ تتفن ..او عادي؟

بالتاكيد النفسية مهمة بالطبخ لأن ماراح تكون
مركز بالطبخ
والأحسن انك تكون رايق لما تدخل المطبخ

20/ ويش يهمك بالمطبخ اكثر شي ؟

اهم شي يكون المطبخ كبير وفيه كل المستلزمات
ويكون طبعا مرتب لأني مااحب الفوضى

21/ اخر طبخة طبختها؟

امس طبخت محشي ملفوف ( اللهانه ) مع الكوسة
(الشجر بالعراقي )

22/ اذا انتي متزوجه هل زوجك يحب طبخه دائماً انتي تسويها وفي طبخه مايحبها انتي تسويها؟

اي نعم يحب المقلوبة
وكل انواع الرز باللحم والدجاج والسمك
ويكره الباميا والفاصوليا والسبزي

23/ افضل مطعم بالنسبة لك وتشتري منه واجد ؟

مافي مطعم محدد - واي مطعم اكله لذيذ
ونظيف نطلب منه

24/ ماهو الطبخ بالنسبة لك ( علم , فن , احترآف ) ؟

اعتقد الكل + النـِفــَس الطيب

25/ هل سبق و أنت تتطبخ جرحت نفسك ؟

اي نعم بس هذا قبل مو الحين
الحين ممكن انجوي بالفرن هههههه

26/ هل مر عليك ونسيت تحط فلفل أو ملح او سكر في طبخة معينة ؟ أو مرة قلبت السكر بالملح او العكس يوم من الايام ؟

لا ماحصل هالشي

27/ متى تحط الملح في اللحم , قبل الطبخ او بعد؟

لا طبعا اثناء نضوجه اقوم باضافه الملح له

28/ في احـد من بيتكم يعرف يطبخ غير الام والبنات ؟

////////////

29/ تحبين اذا طبخت دايما يعطوك رايهم ولا المهم ياكلوه ؟

بالتاكيد احب رأي الي يتذوق طبخي

30/ وشو الطبخه الي ماتحبي تسويها ابد؟

عجينة البيتزا والفطاير - ابدا ماتضبط عندي
حتى لو طبقت المقادير بحذافيرهه وبكل انواع الوصفات يعني بيني وبين العجين عداوة

31/ اذا كان الغذاء شيء ماتحبيه هل تجلسي مع الأهل وتاكلي فواكه ورز او تسوي إلش شيء او تنتظري العشاء؟؟

اذا ماعجبني آكل اي شي موجود عالســُفرة
ماعندي مشكلة

32/ يقولوا ( ان الي يطبخ ما يحب ياكل اكله كثر انه يحب غيره ياكل اكله ) تعليقك؟؟

ليس في كل الأحيان

33/ اكتب لنا وصفة بالرز تعرف تسويها ؟ وصورها لنا علشان نجربها؟ (إذا تقدر)

من عيوني

مقلوبة الرز بالدجاج

المواد
ـــــــــــــــ

دجاج مقطع
رز
فلفل اخضر شرائح
بطاطا مقطعة مكعبات
بصل شرائح طويلة
طماط حلقات
باذنجان حلقات
التوابل (دارسين اعواد - هيل - ملح
فلفل اسود - بهار اصفر - قليل من ماء الورد حسب الرغبة - زعفران او صبغ الزعفران )

الطريقة
ــــــــــــــــ
طبعا يطبخ الدجاج بالماء والملح
والفلفل الأسود والهيل والدارسين الأعواد
ونصف ليمونة لأضافة نكهة للدجاج
ثم تصفى وتقلى بالزيت

ويقلى كل من الفلفل الأخضر
والبطاطا والبصل والباذنجان والطماط كل على حده

يكون عندج الرز مغسول ومنقع بالماء
يصفى من الماء

ونضع في اسفل القدر قليل من الزيت
ويسخن ثم نضيف اليه طبقة من الدجاج والبصل
والبطاطا والطماط والباذنجان والفلفل
ونضع عليه قليل من التوابل اعلاه
ويرش فوقه نصف كمية الرز
ونضع الطبقة الثانية من المواد بنفس الطريقة
مع التوابل الباقية ونضيف الكمية الباقية من الرز
ونضيف القليل من الماء بحيث يغطي المكونات
مع اضافة الزعفران والهيل والملح وقليل من الدارسين المطحونويضاف القليل من ماء الورد حسب الرغبة ثم يوضع على النار
لحين النضج ولايحرك الرز

ثم نقوم بوضعه على نار هادئة جدا الى ان يتهدر الرز

ويقلب في صينية التقديم بحذر
فيظهر بشكل قالب
ويزين بحلقات الليمون والفلفل الأخضر
واعواد البقدونس
ويقدم

وصحة وعافية

وانشالله تجربون المقلوبة وتطلع طيبة
مع شكري وامتناني لك ياانين

[انين الدموع]

احسنتي اختي الكريمه

جداا استمتع بردك الجميل

كل شكر لكي