{{{غدر الأخوه }}}
الى أعضاء منتديات الفرات الكرام
انقل لكم هذه القصيدة للشاعر خضير هادي
بعنوان
{{{ غدر الأخوة }}}
أهداء لكلُ من ذاق مرارة غدر الأخوه في حياته
********************
أذا ما يغـفــه جرحي بيدي أغفيه
واذا يصحه اظل وياهه صاحي
واذا يبرد الفه بحظني ادفيه
واذا مطرت عليه افرد اجناحي
الجرح خلاني كل الفرح اطويه
واسلم للحزن اخر اسلاحي
غفل جاني بجزيره الحزن شنطيه
صحت بصوت منو يسمع اصياحي
تلاوينه وكلت سهله انه اللويه
قيدني ولا اطلق سراحي
حبيبي الجان يهم بيه واهم بيه
ولا فد يوم اجه وخفف اجراحي
عدوك لا يخوفك من تلاكيه
لجروحك يكلله استراحي
ولكن خوفك من الي تخاويه
ويسلمك كاع لحلوك المساحي
******************
ان شاء الله تنال اعجابكم
تقبلوا تحياتي
رد مع اقتباس
رد: {{{غدر الأخوه }}}
