تعددت الاعذار والجرح واحد
تعددت الاعذار والجرح واحد
ليرحم الله الشهداء ويشافي الجرحى الذين سقطوا في تفجيرات بغداد الاخيرة
وحملت اسم
الثلاثاء الدامي
الكل شاهد او سمع او قراء الاخبار عن الحادث الاخير
5 سيارت او 5 تفجيرات في زمن متقارب ومناطق متباعدة في العاصمة بغداد الجريحة
اما الاعذار التي اطلقت عنانها من قبل السياسين
ومن قبل النواب فتجدها متفاوته
لنبداء
ببلبل خطة فرض القانون
اللواء قاسم عطا اطال الله لسانه
اول تصريح ان عدد الشهداء
62 شهيد ومئات الجرحى
بينما الفضائية العراقية تطرح غير هذه الارقام
ايهما اصدق وايهما ادق وايهما البلبل او الناطق او الفضائية الحكومية
سبب الانفجار
فلول الصدامين والقاعدة
عفيه فلول ما خلصوا
مو يومية يطل علينا البلبل ويقول القينا القبض على العدد كذا وكذا
من فلول الصدامين وفلول القاعدة
ادري همه ارانب وهل كد يفرخون
\\\
وزراء الدفاع والداخلية والامن القومي
لم ينطقوا باي كلمة لحد كتابة هذا الموضوع
ليش
ملتهين بالانتخابات وكلمن يلم جماعته ويحشد الناس لقائمته الي راح ينزل بيها بالانتخابات
لان جنطة القائمة التي تفوز اكبر استيعابا للهبش واللفط والشفط من
جنطة الوزير
مؤمنون بعملية التغير والتجديد مطلوب
وشعارهم
محور من شعار
نادي برشلونة
الذي يقول
اذا لم تسجل يسجل عليك
والاخوان بما انهم ذو خبرة في التحوير
جعلوا الشعار
اذا لم تسرق يسرقوك
ولهذا
كان الموضوع لايهمهم ولا اكو اي انفجار او ناس اشتشهدت ونساء اترملت واطفال اتيتمت
وبيوت تهدمت وسيارات احترقت
المهم سلامتة السادة الوزراء من الانفجار
\\\\\\
مجلس النواب
هنا
الاراء مختلفة والتصريحات متفاوته
طبعا
الادانة هاي منتهين منه ومجهزيها براس الدستة
الشجب خو هذا مثل العلك
الرفض استادية بالكلام
ومنهم
والله والله والله
شاهدته بام عيني
الاعضاء متذابحين بالكلام عن التفجيرات
والاخ النائب كاعد يقراء جريدة
بس العتب مو عليه العتب على الي انطاه صوت ووصله لمجلس النواب
وبلكت الله هل مرة هم ينطية صوته مرة ثانية
واحد النواب يخابر بالموبايل يشوف وصل السائق الاولاد من المنطقة الخضراء للمدرسة ورجع جايب المسواك
واحد النواب يجلس باسترخاء وراسه على حافة الكرسي العليا وكانه جالس في جلسة على شاطئ او مسبح او في حديقته الغناء والي جان كبل ما عده افلوس الكيا يركب للعلاوي ينتظر الباص ارخص
ولله في خلق عباده شؤون
واحد النواب
يهمس في اذن زميل له
وبعد ان تنتهي هذه الهمسات يضحكون
وكان لسان حالهما يقول
والله بطرانين
يا تفجير يا بطيخ
هسه اشوكت يخلص الاجتماع ونروح
لعمان لو لسوريا
انشوف الحاتات
ويشتغل دك البيك للصبح
هي دورة انتخابات وخلصانة
عساها بالچفي والخراب
ومنهم
ومنهم من صاح بحرقة والم وطالب بقوة وعن اصرار
\\\\\\
المحللون في الفضائيات
طبعا الكل منكم سامع بالمثل العراقي المشهور
صخم وجهك وكول حداد
ماشاء الله
يا ما اكثر المحللين واشلون واحدهم عبالم مكينة طابعة ولا ينطي مجال لا للمقدم ولا يخلي المستمع يلحگله لان اذا اتكلم على كيفه مليون غلطة تطلع عنده واغلب المحللين اكثرهم الله علينا هذه الايام
على قول اخوتنا في الكويت
اخرطي
واحد محلل عسكري استراتيجي
وهو لايعرف معنى كلمة المقر الخلفي من المقر المتقدم
اشلون محلل هذا تعبان
يطلع الاخ المحلل
بس خلي اصحح التعبير
المخلل
احسن
يطلع المخلل يشرحنا
طبعا الكليشة الرتيبة والتي هي اقدم من السلام عليكم
بقول المخلل
في الحقيقة والواقع
انته اعرف من گال هشكل يعني
اخرطي
زين يابة اشبيها الحقيقة واشبيه الواقع
الحقيقة هو انه انفجار
صلوا على النبي
زين يابة
والواقع
خمس سيارات
صلوا على النبي
الرجال تعب
حقيقة وواقع
والسلام عليكم
يطل علينا
الدكتور
لو بس اعرف هاي وين يوزعوها الشهادات مال الدكاترة جان ارتاحيت
اشبيه الاخ الدكتور
لا مو بس دكتور
شوفوا العنوان
الدكتور فلان الفلاني طبعا مايكتب اسم ابوه لان يخجل من اسم ابوه مو اسم رومانسي
على كل حال
فلان الفلاني
مدير مركز البحوث والدراسات الاستراتيجية في شؤون الشرق الاوسط
رهيب والله رهيب
زين اولا هذا مو دكتور
شاب متقاعس كان في محافظة ال\\\\\
ولديه سوابق في سرقة
قناني الغاز
ومحكوم في سجن ابو غريب
ب
3 سنوات
اذن هو دكتور بالسرقة
اما البحوث
فهو حقا باحث على قناني الغاز مال المگاريد
اما الدراسات
فهو درس كيفية الطفر من فوك السياج ليسرق القنينة
اما الاستراتيجية
فهو استراتيجي في منطقة معينة
اما الشرق الاوسط
والله ما وصل لبغداد بحياته
راسا من معسكر رفحه او رفح لامريكا
أهذا الذي يضمد جراحك يا بغداد
أهذا الذي يمسح على رؤسكم ايها الايتام
أهذا الذي يبكي على حسراتكن ايتها الارامل
\\\\\
هناك سؤال لم اجد جوابا شافيا عليه والذي سئله اغلبية المواطنين الذين قابلتهم كل الفضائيات
اين الخطة الامنية
اين السيطرات
اين السونارات ام الهزه
اين اهل النظارات السوداء
كيف عبرت هذه السيارات كل السيطرات
ودخلت الى وسط قلب حبيبتي بغداد
وادمته وقطعت وصالها
اين غيرة وولاء وشرف من هو المسؤول المباشر عن الخطة الامنية
اين عبود قنبر \\\ وقف ذري لايمكن تغيره
اين بلبلل خطة فرض القانون
اين وصلت التحقيقات في من ظهروا على شاشات التلفزيون وقالوا نحن من فجرنا يوم الاحد والاربعاء
اين مصير من صدر بحقهم الاعدام ولماذا لاينفذ
اين قرارات الحكم على المدانين
بمادة
4 ارهاب
اين مدير عام او وزير مكافحة الارهاب
والله تاهت علينا الاسماء والالقاب
لكن وجدت الجواب
عند اثنان
الجواب الاول
قال نائب ونائبة
يجب ان يقال كل رئيس امني
ابتداء من وزير الداخلية ووزير الدفاع
ووزير الامن القومي وبطل مكافحة الارهاب
اما الجواب الثاني
قال مواطن تظرر محله من الانفجار الاخير في منطقة الشورجة
كان جوابه
والله انعل ابوكم لابو الجابكم علينا يا حكومة
اعانك الله يا بغداد ويا عراق
وليرحم الله شهدائنا ويشافي جرحانا
والله الموفق
رد مع اقتباس
رد: تعددت الاعذار والجرح واحد
