حاجيت الوطن والوطن حاجاني وبجاني**

[* ملك الاحساس *]

هنا ناديت وطني وقلت
عذرا ً

عذرا يا وطن مغصوب مــو بيدي طلعـــتي

وبكل نفس انطــق هلي والعذر بدمعتـــي

ما اعرف الوم الزمن لو احسد الناس البيك؟

لــو اضحك ضحك جـذاب وابقــه بحسرتـي؟

يا وطن .. بيك الناس وهـــم تسال عليـــك

كيف انه وسط الغــرب وبس انطـر رجعتي؟

يـــا وطن اترجــاك لـو مــره بس مـر طيـف

بس احــظـن ترابك حييييل واتذكر صحبتي

ناويــن نرجــع الك بس تصحه من البــــيك

يا وطــن دونـــك ابد ما تنصـــح ضحكتــي

بــس ادعـــي انت بخيــر وكل الاهل وياك

واتمنـّـه اعود بيــوم بس راضي بقسمتـــي

***************************************
هنا جواب الوطن لي بعد ما سمع مني

لا تعتذر

غــريب انته وتحن من صوتك عــرفت

وكل يوم ابجي عليك بس ما عذرتـك

امك وابوك تريد ؟ انه احن من الثنين

لا تضحك ضحك جذاب محتاج لدمعتك

اذا يمي وتسال الناس هم تسال عليك

وتتامل عليها تعود محتاجه لعشرتك

امرك اني بطيف بس شايل عتاب وياي

ليش الي هداك الروح تجازيه بهجرتك

اولادي انتو واتمنه تلتمون احميكم هنا

ومحلاها يم الاهل لو تنصح ضحكـتـك

ادعيلي انتــه تعود وكل الضلــم ينزاح

واذا صابك الم وياي هم هيه قسمتــك

م / ن

[ام فيصل]

وهل هناك اجمل من الحديث عن الوطن ؟؟

الارض والعرض والهوية

محاورة رائعة ياملك الإحساس
نثرتها بإحساس مغترب حزين
عاشت ايدك عزيزي
على هذا الإختيار المميز

ودام لنا هذا المداد ايها العراقي الأصيل

دمت بكل الخير
مع تحياتي لك