منقول/ .بنص درب العشك شو تيهتني شبيك

[شهد الغرام]

براحتك لو عني ردت تروح
علي لتخاف اعذرك ماتحاجيني




بس وياك اخذ عيني التهل ادموع
ومن تشتاكلي بس باوع العيني



كلب الحب رسمته بجف يسرتي وهاك
شوف اسمك كتبته بشوكي بيميني



بنص درب العشك شو تيهتني شبيك
تدليني كلت لعد ما تدلّيني



اليذكروني عفتهم لجل شوكي وياك
واني اتذكّرك وانت الي ناسيني




ضحّكتك لمن جار الزمان عليك
حرام عليك تتعمّد تبجيني



بايعني برخص واني بغلاة اشريك
مو انت الكلت بالروح تشريني



صرتلك كلّي شمعه ونوّرتلك دوم
عكب ما خلّصتلك نور عشريني



بعد ما كلت آه ودرت وجهك ليش
لإن طرواك كتلك ضل يداويني



ولإن كتلك ضواي ونور عيني اتصير
تريد اتروح عنّي اتريد تعميني



روح وداعت الله بس اكلك ها
الي رب كريم الصبر ينطيني


مما راق لي

[حيدر القريشي]

وراق لي ايضا ما انتقته اناملكِ اخت شهد
شكرا لكِ ولذوقكِ الرفيع المستوى
تقبلي تحياتي وتقديري
مع اطيب الامنيات

[سلام الدراجي]

شهد راق لنا ما راق لك
قصيده فعلا رائعه
مشكوره عزيزتي
نتظر جديدك الرائع من اختياراتك الجميله
تحياتي ومودتي

[وليد الربيعي]

وراق لنا ماراق لك
ابدعت ياشهد اناملك
شكرا علئ هذا لشعر الجميل
تقبلي مروري

[رشا]

عاشت الايادي
يسلمووووووووووووووووووووووووووووووووووووو

[شهد الغرام]

شكرا لمروركم منورين الموضوع

[سناريا]

عاشت ايدك على هذه
القصيدة الرائعة
والاختيار المميز
تقبلي مروري

[سامي المشكور]

انه اتذكرك وانته اللي ناسيني

رائع رائع رائع

تقبلوا مروري