ابو ذيات محرومه

يلج بيه زماني لوج ملاج
ويروحي الماتريده لكاع ملاج
صرت عامل عكب ماجنت ملاج
خادم واخلك تامر عليه
..............................
اطمن والوكت حفار\لطماي
ودليلي منل صبر ياخلك\لطماي
صرت شمهوده بس مافاد\لطماي
الطم والمذمه اصير بيه
.............................
المصايب دوف روحي بوحل \دفان
وركص ركصن عليه وطبل \دفان
صرت بطران رحت اشتغل \دفان
ياكبر الحفره يطيح بيه
...............................
اصيح ابصوت مد سمع\صدياي
واصده منل مصدي صار\صدياي
يدفان اسألك بـــــــــــــالله\صدياي
ميت والكبر ضايع عليه
................................
روحي منل مصايب \ماعفته
يلاهي نحلت كلش\ماعفته
اذا بـــــلبحر دوده\ ماعفته
حشاك اتعوفني بهاي الرزيه
.............................

[أنثى شرقية]

المصايب دوف روحي بوحل \دفان
وركص ركصن عليه وطبل \دفان
صرت بطران رحت اشتغل \دفان
ياكبر الحفره يطيح بيه

**********

الله عليك ابوذيات من ضيم الوكن رائعه كانت
تحياتي

[ام فيصل]

صح لسانك
وعاشت ايدك عزيزي
على هذه الباقة الجميلة من الأبوذيات
ننتظر جديدك القادم
وحياك الله في منتدى الأحبة
مع اطيب امنياتي

ردودكم الجمل احبابي يشرفني التوصل معكم كتبت بس شفت شي عجيب البوذيات من تأليفي ومكتوب فيهن منقول

[ام فيصل]

ردودكم الجمل احبابي يشرفني التوصل معكم كتبت بس شفت شي عجيب البوذيات من تأليفي ومكتوب فيهن منقول

اعتقد عزيزي ليس المقصود بكلمة ( منقول ) انها ليست بقلمك
بل ربما انك لم تضع الموضوع في مكانه الصحيح وتم نقله الى مكانه الصحيح
فتظهر كلمة (منقول )

ارجو ان تكون الفكرة قد وصلت

مع تحياتي

شكرا الك خيتي وصلت الفكره يسلموووووووووووو

[الشاعركريم السلطاني]

احسنت ياصلاح على نقل هذة الابوذية الرائعة
السلطاني

حفظكم الله وتسلمون على ردودكم
لي الشرف ان يرد على مواضيعي الشاعر كريم السلطاني فان كتاباتي تتشوق الى ان تصل الى مسامعكم
وان تخضع لنقدكم
مودتي