بالتزامي بهذا البرنامج ربي استجاب لي 4 دعوات عظيمة ولله الحمد .
بنات ما راح اطول عليكم بس حبيبت اقول لكم اني ولله الحمد ملتزمة دينيا من صغري .. ومطبقة هالبرنامج ، ومرت علي فترات كنت اتمنى ربي يحقق لي اللي اتمناه وكانت 4 اشياء :
1- ان ربي يظهرني وينصرني على اناس لهم مكانة كبيرة في المجتمع ودعوت الله ولله الحمد استجاب الله لي حتى قالوا لي : شكلك من اولياء الله !!!!!!!!!!!! وتعرفون وش يعني اولياء الله !
2- كنت مريضة 10 سنوات من لثتي دائما تنزف وجربت كل شيء بدون فائدة ولكن عمري ما دعيت ان ربي يشفيني لم اُلهم لهذا الشيء .. وقبل فترة دعوت الله ان يشفيني والحمد لله بعد فترة بسيطة شفيت صحيح اني بذلت الاسباب لكن اول كنت ابذل السبب بدون الدعاء ..
3- دعوت الله ان يرزقني زوج فيه كل احلامي والحمد لله بعد فترة تحقق حلمي وزيااااااادة يارب لك الحمد .. ما اقول لكم رجال ممتاز !!! لا رجال ولا في الاحلام !!! ماشاء الله بارك الرحمن ، الله يديم النعمة ويتمم لي بخير .
4- كنت نحيييييييييييفة عشت حياتي نحيفة مرة وزني 40 كيلو عشت على هذا سنواااات مع اني بذلت كل اللي اقدر عليه لدرجة اني رحت عند اشهر استشاري تغذية ومعرووووف بس بدون فائدة وكنت دائما مسنترة على قسم النحافة والسمنة استفيد من تجارب النحيفات !!!
حتى جاء اليوم الذي دعوت الله فيه ان يجمل جسمي ... والحمد لله بعد فترة سمنت وصار جسمي روعة الكل يمدح !!! لدرجة مرة وحدة زارتنا وحنا جالسين وسوالف قالت لي : انتِ ديالى العز ! قلت ايه !! قالت تصدقين ما عرفتك !!!!!!!!!!!!
5- وباقي لي دعوة الآن انا ادعو الله بها وتحقيقها مستحيييييييييييييييييل الا بإذن الله ..
طبعا ودكم تعرفون وش اسوي حتى ان دعائي يستجاب بفضل الله ..
انا كنت ملتزمة هذا البرنامج مو عشان اي شيء غير الاجر والثواب والسعادة الدنيوية والاخروية ..
وكنت آمر بالمعروف وانهى عن المنكر .. اذا شفت اي منكر انكره واذا كان صعب جدا انكاري له واذا انكرته ممكن يجر شر انكره في قلبي يعني اغضب في داخلي واتأثر ، ولكن اغلب الاحوال اني اجي عند الشخص وانكر عليه ، مثل سوق طلعت له وشفت وحدة متبرجه او مستهترة في حجابها .. أو في عرس وحدة لابسة لبس عاري.. أو عرفت عن وحدة تسمع اغاني .. حتى تصدقون رحنا مرة عرس وحدة من قرايبنا وقالوا لنا اسلامي بدون موسيقى ، لكن الصدمة كان وقت الزفة كانت موسيقى طبعا رحت في غرفة عشان ما احضر وعشان ما اسمع ، ولما انتهت الزفة وجلست العروسة وجو الناس يسلموا رحت وسلمت وانكرت عليها !!!!!!!!!!!!! قلت لها : بارك الله لكما وبارك عليكما وجمع بينكما في خير ، وكانت مبسوطة ثم قلت لها : ليه يا عزيزتي تبدين حياتك بمعصية الله !! لا وتشيلين اثم كل من حضر عرسك !!!! طبعا كشرت وتضايقت بس ما علي .. ما اعتقد انها راح تنسى هالنصيحة طول عمرها مثل هالليلة اللي ما راح تنساها..
وايضا من انكار المنكر الغيييييييييييبة ، لو كنتي في مجلس واغتابوا احد انكري وذبي عن عرض المغتابة !! وقد قال صلى الله عليه وسلم : ( من ذب عن عرض اخيه ذب الله عن عرضه النار ) !!!
واحذري تغتابي احد ترا الغيبة كبيرة من الكبائر وتأكل الحسنات اكل !! ومو تتركي الغيبة فترة بس عشان ربي يستجيب لك !! لا لا لا بل خذي عهد على نفسك انك ما تغتابي احد ولا تذمين في احد حتى لو اشياء بسيطة !! اسألي نفسك هل ممكن تقولين للشخص هذا الامر في وجهه !!! لأن الغيبة ذكرك اخاك بما يكره في غيبته !
او حتى هنا في المنتدى في الردود ما اترك منكر الا وانكره قدر استطاعتي ..
وصدقيييييييييييييني لو انك اعبد الناس في الارض وانتِ ما تنكرين المنكرات ما يستجاب لك بالعكس الله يكون غاضب عليك ..
والدليل ان دعائك ما يستجاب :
النبي صلى الله عليه وسلم قال { والذي نفسي بيده لتأمرن بالمعروف ولتنهون عن المنكر أو ليوشكن الله عز وجل أن يبعث عليكم عذابا من عنده ثم تدعونه فلا يستجاب لكم } رواه الترمذي وحسنه . ومعنى أوشك أسرع .
والدليل انه غاضب منكِ :
يروى أن عابداً من بني إسرائيل كان يعبد الله في قرية، فأنزل الله جبريل ليخسف بالقرية، فوجده يصلي فعاد جبريل وقال : يارب ان فيهم فلان العابد ، فقال الله له : ( به فابدأ، فإنه لم يتعمر وجهه غضباً لي )
ودمتن في طاعة الرحمن
رد مع اقتباس
