لا يكلبي تهون سهله

لايكَلبي أتهون سهله

عيش كَوه اعله العطش..

واتلاوه ويَه الموت كَوه...

ولاتطيح أكَبال شماتك مذله.

اكسر أعيون العطش بدموع عينك...



لاتخلي أتبين أبعودك الخلِهّ

عَلَّم أجروحك على أتراب الدروب...

وبالك أحزام ألصبر يرخه وتحله.

هذا موش أول جرح لجماته كلفه...

وضاعت أخيوط ألتشله.

من زمان الرمح نابت بالضلوع..


أشما يريد أيطيح امد أيدي وعدله.

موغريبه أليلعب أبجمر الغضه ويشبكَك ألمله

ومو غريبة أليلم دخان الوكت..

وأيعبي صدره أبوجع سله

ومو غريبة الما هدل للكاع جتفه...

وشال ثكل الوكت كله.


الليل فتنه...


وطول أبغيضه ويه روحي...

وشال بين اكتاره زعله

لاهو جزره..

ولاهو مدة

ولاهو صافي أوياي مايه ولاهو دهله.

وك يكَلبي..

اعناد مجنون أشكثر دنياي رادت كطع خيطي...

وانه أطول البال واتحمل وحله


واشكثر زغلط زماني ويكتل المبيوكَ واليسطي انه افصله.

وفرهداني...

وباك عنبي وكتله فدوه

أمبارك الناطور يسلم

وآنه أخيطلك السله

واراد يمحي أسطور منحوته اعله صخره...


ويكلب أحروف ألمسله.

وراد كوه أيغندب اعله أهلال روحي...

وأنه أزيح الغيم المكوم وهله

أتعودت من تطبكك الكلفات أكَول أتهون سهله.

وعمري ماغيرت دربي...

ولا كدرت أنكر وابدله.

وك يكلبي اتهون سهله..


أتهون

[^.{{المحـــاميـــــة}}.^]

شكرا لكي اختي
كلمات جميلة
تحياتي