يا صوت الرسول البيك هز اعروش
يمروض الجان الصعب يتروض
يا صيحة نصل كسرت اجناح الخوف
وتحط بالكلوب وعافها تكتض
يمريح الرسول بجلمة اللبيك
دنكت روس وما رضت تنهض
يالسجلت بخيبر ختمة القران
والوادم بعدهي بالحمد تحفظ
خيبر ماهو باب وشالته يمناك
خيبر ماهي صدفه ولاضربة حظ
ان يعلن رسول الله على كل الناس
انك في محبته ورايته افرض
هذا اعلان واحد تبعته اعلانات
واعلان الغدير من البياض ابيض
حطوا بالمسامع حجر متعمدين
وحطوا بالكلوب من القساوة اغلظ
ما رادوك انت تكمل المشوار
بعدهي الجاهليه بروحهم تنبض
والناس اهل دنيا وعلى الطمع يمشون
يردونك تشوف الكفر وتغمض
هاي اشلون ترهم وانت حامي الدن
ومابينك وبينه عهد ما ينفض
يمبجي الخشوع برهبة المحراب
ويمطشر الجموع بيوم ما تكتض
تحيات
هاشم نجم