فك شباك صدرك يا حلو اترجاك(جديد اسامه الشاعر)

[أسامه الشاعر]

فك شباك صدرك ياحلو أترجاك
....................
............
.......
...
الى التي أهواها ....؟
........................
تتباهه الشوارع من تـــــــــمر(؟؟؟)
وتـــــــــرفع لافتات وتزهي ألولايـه


كصـايبهه شكر تركص على المتنين
ووجهـه من الكـــمر صدكوني شكايه


تعرس عاصمتــــنه وتعلن أستعداد
ويزحفله الحســــــن ويجيب مشايه


يابيدر ورد وتكصـــــــده كل الناس
ياقبــــــــــــلة عشك والناس عنايه


أشبكـــني حلو خليني أموت أعليك
وكطعـــــــني وصل سويني دمايه


كبعنـــي بحنانك خل أهيـــمن بيك
ياغصـــن يتمــــــايل والغنج نايه


فك شبـاج صدرك ياحلو أترجــاك
خل أرشف عقيــقك وأسكر بمـايه


خليني هـــــدف بس لخزر عيناك
وأدريــــــبه ذبح وسـهام كصايه


خفت منك حبيــبي ماأطوفن بيك
صدرك مـو صدريالصدرك مرايه


كل هذا السده وأنه بغرامك قيس
دخيلك ياحلو سويــــتني حجايه


فدوه لضحكتك ياأجمل أنســــان
ياأحلى حلـــو مطروح أنه بدايه
........
.....
...
حرت ليك أشتكي روحي تعلهه
وعجب ليـــش بكتم منك تعلهه
مرهه بالعمــــــــر مره تعلهه
أبوسك واليصيــــر يصير بيه
<<<<<<<<<<<
>>>>>>>>>>>>
كان هنا
أسامه الشاعر

[سلام الدراجي]

فدوه لضحكتك ما اجملك أنســــان
ياأحلى حلـــو مطروح أنه بدايه
حياك اسامه رائع ما تكتب صور جميله تقبل مروري واعتزازي بك دمت بخير وبارك الله بك

(خفت منك حبيبي ما اطوفن بيك)تعبير جميل . يدل على خوف الحبيب على حبيبه ولكن باسلوب راق جدا سلمت يداك اخي اسامه
اخوك ابو سرمد السماوي

[حيدر القريشي]

صح لسانك اخويه اسامة
قصيدة في غايه الروعه
دمت ودام لنا هذا العطاء
ولك مني ارق التحايا

[امير الاحزان:]

تسلم اخي العزيز اسامه
رائع ماكتبته
تحياتي بانتظار جديدك

[الشاعر ماجد الدعمي]

شكرا اسامه ع البوج الجميل وحلاوة المفرده
وصدق الاحساس .

[احمد النونو]

اسعد الله ايامك
اخى اسامة
جميل جدا احساسك وما سطرت
تحياتى واحتراماتى

[ام فيصل]

عاشت ايدك عزيزي
قصيدة غزل رائعة بمفرداتها ومعانيها
احسنت يااسامة
ودام لنا هذا الإبداع والتميز
دمت بخير
وتحياتي لك