بسنــــــي ومعنــــــه

[سجاد الرحال]

بشفتك ياترف بشفاي بسني
تره آنه من الصبر مليت بسني
منك ماضكَت مطبــــوخ بسني
دخل انضوكَ منك شلقضيه



يل تقرهَ الكـــلام ارجـــوك معنه
وخلي بالنقدانصـــــــاف معنـــه
يضل قلمي يفيض الشعر معنه
واسولف بيه شما يحله اليه



بقلمي المتواضع

[خليل الشرابي]

ما دام طلبت من القراء النقد لما تقدم
فانا اشعر بانه هناك خلل بسيط في وزن الأبيات

يهل تقرا الكـــلام ارجـــوك معنه
وخلي بالنقد انصـــــــاف معنـــه
قلمنا يظل يفيض الشعر معنه
واسولف بيه عن الصار بيا

اتمنى ان تتقبل مني هذه الملاحظة الأخوية برحابة صدر مع كل الأحترام و التقدير للصور المضيئة التي تقدمها في ابياتك

بقايا جرح
الشرابي

[سجاد الرحال]

تحياتي الك يالشرابي ملاحظتك على راسي لكن اني اتكلمت بصيغة المفرد اي الضمير انا وليس نحن بالنسبه لقلمي وجناس معنه وليس نعنه اي مايرهم معنه ترهم للمفردوليس للجمع مثال معن قلمي نعن اقلامنه شاكر مرورك

[الشاعر يوسف الذهاب]

الاخ سجاد اُحييك اذا سمحت انت والاخ خليل هذا التصحيح اذا جاز التعبير(القلم عدنه يظل يفيض معنه)
وشكراًلسعة صدوركم.

[سجاد الرحال]

حبيب كَلبي يوسف الذهاب شاكرمرورك كلامك جداًصحيح بصيغة الجمع لكن اني قصدت صيغة المفرد اي(يضل قلمي يفيض الشعر مااعنه) مشتقه من العنان بمعنى اصح عنان الفرس ولك خالص ودي وانرت صفحتي المتواضعه بملاحضتك القيمه