بس تجين

[الشاعر ماجد الدعمي]

انتي وين ؟
ويادرب ياخذني واجيج ؟
واني ذبلني العطش
وانتي اعذب ماي واني
المشتهيك
انتي وين ؟
عيوني مشدوده اعله دربج
وضيعت جدمي الدروب منين
اجيج ؟
انتي ياترف قصيده تغني بسمج
وانتي ياقصه بحياتي تشيل رسمج
اني اجيت !
شايل الشوك ودمعتي
وحسره تاخذني اعله بابج !
وانشد عيون الرصيف
وانشد الليل الطويل
منهو شافج ؟
منهو لم جروحه بيدج
وارتوه بلسمة شفافج
ولسه خطواتي اعله دربج
خضرن ريحان
يتباهه وي طولج
ومن اجيت
صار كل نكلة جدم عندي قصيده
وكل متر امشيه
يسولفلي بسمج
وخطوه خطوه ويوم يوم
ودمعة العاشك تسافر
بليل موحش
تكحل عيون الحبيب
وتمر ع شفافه نداوه
وتزرع الفرحه ورد
بعيون ذبلها الدمع
وصوت عاشك خنكته سنين الضياع
ومن يكلك ينسمع ؟
وماظنه ينسمع !
واني رافكني الدمع
وفركتج مو جنها فركه
موت جنها وابد ماينجرع
وانتي وين ؟
هاج من عمري اعله عمرج
بس تعاي
وهاج كد طولج قصايد
بس تعاي
شوباش عمري اعله دربج من تجين
انتي وين ؟؟؟

تحيات ماجد الشاعر

اخي الشاعر
ماجد
قصيده جميله جدا
سلمت وسلم ابداعك
تقبل مروري
تمنياتي لك بالخير والسلامه

[طيبة النجف]

عيوني مشدوده اعله دربج
وضيعت جدمي الدروب منين
اجيج

كل ناسي اجت بس انت ماجيت
شنهو اتغيرت واتبدلت ضـــدي
يا اجمل حلم احتضنة تالــي الليل
يضمدلي الجروح البلكــــلب تدي
ويطفيني وانة المشتعل نار ابنــــار
وانسى احزاني كلها من الغزل يبدي
لاموني هلي كالولي عايش طيف
اصحى للوكت يلي انت ماتدري
هاجر وابتعد ذاك الحسبته اهواك
يل عايش احلام وعمــــرك يعدي
خلوني ابحلم واتمنى حلمي يطول
بعدهن ذكرياته عايشــــــة اسدي

من كتاباتي المتواضعة
تقبل مروري اخي الغالي
قصيدة رائعة وراقية جدا دمت مبدعا في ربوع الفرات
لقلبك ارق تحية

[ام فيصل]

آنه ويه الليل آهاتي تذبني واستجير
ساعة روحي تروح يمكم ... ساعة بيامي أحير
وين أروح ....
كل شرايين الكلب بيكم تصيح
ولا مجير
ولاهوه الدك باب بيتي وعيني ليكم تستدير
انتوا وين ,,,,,
ظلت دروبي تناطر طيفكم
وقلبي عدكم ظل اسير

لاتطولون البعد أنخه الموده
وإلكم انتوا ناذره فرحة أصير ،،،، بس لجلكم ناذرة فرحة اصير


مع الإعتذار لمزاحمة سطورك الرائعة غالينا
اعلم انني لن أجاري روعة مدادك
ولا جميل احساسك
ياصانع الاحساس
ولكنها كلمات راودت مخيلتي
فآثرت ان أضعها بكل تواضع على صفحتك

الف تحية للمــاجد

[الشاعر ماجد الدعمي]

تحياتي لك اخي زهير وسعيد بمرورك الجميل لك لشخصك الكريم ارق تحيه
اسعدنيتواجدك هنا

[الشاعر ماجد الدعمي]

الغاليه طيبة النجف
شكرا لمرورك المميز من هنا
اسعدني هذا التواجد
نورتي الموضوع
وشكرا شكرا للمداخله الرائعه
ولقلمك المميز حقيقة استوقفتني
كلماتك الجميله
اتمنى لك الابداع المستمر
وان تتحفينا بما يجود به قلمك
تحياتي لك

[أنثى شرقية]

ومن اجيت
صار كل نكلة جدم عندي قصيده
وكل متر امشيه
يسولفلي بسمج
وخطوه خطوه ويوم يوم
ودمعة العاشك تسافر
بليل موحش
تكحل عيون الحبيب
وتمر ع شفافه نداوه
وتزرع الفرحه ورد
بعيون ذبلها الدمع
وصوت عاشك خنكته سنين الضياع
ومن يكلك ينسمع ؟
واني رافكني الدمع
وفركتج مو جنها فركه
موت جنها وابد ماينجرع
وانتي وين ؟
هاج من عمري اعله عمرج
بس تعاي
وهاج كد طولج قصايد
بس تعاي
شوباش عمري اعله دربج من تجين
انتي وين ؟؟؟
*****
بابا ماجد الطيب

كالعادة مميز دوما بحروفك الرائعه وبقصائدك التي تحاكي الوجدان والارواح
ربي يوفقك ومزيدا من الابداع
كن بالف خير لاكون دوما
تحياتي

[الشاعركريم السلطاني]

ابدعت ياماجد في هذة القصيدة الرائعة تحياتي لك يامبدع
السلطاني
كريم