شكالولك عليه .. للمبدع سمير صبيح

[ام علاوي]

شكالولك عليه وصار وجهك سيف
وتعرفني التكتلك.. والحجي مصدگه

شجره ومو بديه وتدري وكتك ريح
وتحملني ذنب من طيحت ورگه

خلك ساتر ولك سويت خلگي وياك
شكد موت وجثث ماضيجت خلگه

مو من صالحك عالجرف تزرع عود
ماتدري اعله ساعه يفيض ويغرگه

ومن شفت الخناجر خذت دور السيف
كلت ياروح صيري بهالوكت درگه

وتسالني تگلي شسوه وكتك بيك
شسولفلك شأكلك ؟! تكتل الحرگه

ذبني ابير بيده وكال اكلني الذيب
ورسم للذيب صوره وجثتي بحلگه

وطفاني وعالجمر بچفوفه رش الماي
ورد ينفخ رماد ويا جمر يلگه

ما يدري الوكت لو عكس هدة خيل
اللي يطيح بدربهه جدامهه تسحگه

وذبحني مناطرك غيم ومطرها يطيح
گظت شوغات روحي لهفة الملگه

مثل فزة مفارك من تجيني بطيف
اشبكنك وافز وكلشي ما ألگه

مو ذنبي تره لبعض البشر مالوك
لان طبعي صريح وراسي مادنگه

اللؤلؤء باللضم كلش جميل يصير
بس هوه الحجي عالرگبه التعلگه
.....

من روائع الشاعر سمير صبيح

[المهندس علي]

كلام جميل جدا
وهذا الشاعر مبدع
صاحب كلمة صادقة
معروف بشعره الشعبي الجميل
وانا من عشاقه
شكرا لك ام علاوي على هذا الطرح الرائع
مبدعة في اخياراتك كما عهدناك
تحياتي

[السومري71]

وذبحني مناطرك غيم ومطرها يطيح
گظت شوغات روحي لهفة الملگه

مثل فزة مفارك من تجيني بطيف
اشبكنك وافز وكلشي ما ألگه

مو ذنبي تره لبعض البشر مالوك
لان طبعي صريح وراسي مادنگه

اللؤلؤء باللضم كلش جميل يصير
بس هوه الحجي عالرگبه التعلگه

قصيدة رائعه وكلمات جميله
تحوي من العتب والأشتياق الكثير
امتناني لذائقتك الشعرية
التي فاح عبيرها هنا
وتحياتي للشاعر المبدع سمير صبيح

[الغربه]

مثل فزة مفارك من تجيني بطيف
اشبكنك وافز وكلشي ما ألگه

اختيار جميل جدااا من راائعه وكلمات شدتني اليها كثيرا
تسلمين حبي لاختيارك الراااقي والمميز

[طيبة النجف]

اللؤلؤء باللضم كلش جميل يصير
بس هوه الحجي عالرگبه التعلگه

صح السان الشاعر المتألق والمبدع
سمير صبيح
وتسلمي غاليتي ام علاوي على الاختيار المتميز لهذه القصيدة الروعة
لروحكِ باقات ورد معطرة تقبلي مروري
اختكِ طيووووووووبة

[ام علاوي]

مهندسنا الرائع ... شكرا لحضورك الراقي
دمت اخي ودام التواصل
لك تحياتي

[ام علاوي]

السومري ... شرف لي مرورك اخي
لاعدمت بصمتك بين سطوري
تحياتي

[ام علاوي]

الغربه ... شكرا للحضور الرقيقه برقتك غاليتي
نورتي الموضوع
لك اجمل تحيه