انه بصوب ... وانت بصوب

[الشاعر ماجد الدعمي]

انه بصوب ... وانت بصوب
ومثل شمع النذور
نذوب ..!
وتموت بصدري الحجايات
وبقالي من الصبر
بس ثوب !!
واني بصوب وضنوني تسافر ليك
واكول من المحبه نتوب
وابد ما توب
واقره بحظي شمكتوب ؟؟
واني البل صبر ( ايوب )
وانت بصوب ...
شيجيبك يالبعيد انوب !
شيجيبك والعمر ظل بيه
بس غروب !
شيردك والفرح بجفاك
من عين الكلب مسلوب !
واني بصوب .. وانت بصوب
شما جيلك علّي تبعد
وياكلبي لوين تريد
ولك متعود يمته اتوب ؟
مو بينه الزمان اندار
وكبالي العشك مصلوب
مو غابت شمس ملكاك
ولفراكك علنهه الطوب
واني بصوب
وعيوني لهذاك الصوب
واذا ميت وصيتي الكم
ادفنوني بهذاك الصوب
*****

ماجد الشاعر
27 نيسان 2009

[الاميره]

واني بصوب وضنوني تسافر ليك
واكول من المحبه نتوب
وابد ما توب
واقره بحظي شمكتوب ؟؟
واني البل صبر ( ايوب )
وانت بصوب

عاشت الايادي موضوع جميل واحساس راقي
دمت في هذا العطاء
تقبل مروري وتحياتي

[مصطفى المالكي]

ماجد الشاعر

انه وياك واحد ما نصير اثنين
ولهذه السبب يفلان حبينه
وانه وياك نجمه وليل شابك ليل
شما در الوكت ما يكدر اعلينه
وانه وياك مثل الدفه والملاح
سفينه وطاح بحري الكون بس بينه
وانه وياك نبقه عل عهد باقين
لان طبع الوفه يفلان بينه

اخي العزيز تقبلي مني هذه الكلمات كمجارات لما قدمت
لك مني كل الحب والتحية

تحياتي

العراقي

[أنثى شرقية]

شيردك والفرح بجفاك
من عين الكلب مسلوب !
واني بصوب .. وانت بصوب
شما جيلك علّي تبعد
وياكلبي لوين تريد
ولك متعود يمته اتوب ؟
مو بينه الزمان اندار


عاشت اناملك ودام نبضك ابوي الغالي
ربي لاحرمنا ن مداد قلمك ياغالي
تحياتي لك اينما تكون

[الشاعر ماجد الدعمي]

الاميره الغاليه شكرا جزيلا للمرور الرائع
وتحياتي لك ودمتي بخير

[الشاعر ماجد الدعمي]

حبيبي مصطفى الغالي
تحيه على مرورك الكريم
وسعيد جدا بابياتك الجميله
تحياتي لك ودمت
بخير

[الشاعر ماجد الدعمي]

بنتي احلام الغاليه
سعيد جدا بمرورك الكريم
وبكلماتك الجميله
تحياتي لك
وكوني بخير

[هاشم نجم]

سيد الحروف انت سيدي.... وبحرها ومرساها
تنصاع بين يديك لترسم لوحاتك بابداع
وتامرها فتنحني هامات الكلام سمعا وطاعة لمولاها
-----------------
جميل ماكتبت وقد ابدعت ...
تقبل مروري وتحياتي