انه بصوب ... وانت بصوب
ومثل شمع النذور
نذوب ..!
وتموت بصدري الحجايات
وبقالي من الصبر
بس ثوب !!
واني بصوب وضنوني تسافر ليك
واكول من المحبه نتوب
وابد ما توب
واقره بحظي شمكتوب ؟؟
واني البل صبر ( ايوب )
وانت بصوب ...
شيجيبك يالبعيد انوب !
شيجيبك والعمر ظل بيه
بس غروب !
شيردك والفرح بجفاك
من عين الكلب مسلوب !
واني بصوب .. وانت بصوب
شما جيلك علّي تبعد
وياكلبي لوين تريد
ولك متعود يمته اتوب ؟
مو بينه الزمان اندار
وكبالي العشك مصلوب
مو غابت شمس ملكاك
ولفراكك علنهه الطوب
واني بصوب
وعيوني لهذاك الصوب
واذا ميت وصيتي الكم
ادفنوني بهذاك الصوب
*****
ماجد الشاعر
27 نيسان 2009