انه ام الخدر زينب ...لطم... للشاعر foraten.net/?foraten.net/?foraten.net/?foraten.net/? رفيش
ودعتك ياعباس ..... مسبية بين الناس
وعيني اعلى النهر تنحب
مشينة وي الأمل بأكدار ارض الجور ...... وتركنا ادموع صغناها الك عنوان
نداري ايتام اهلنة بفكدتك عباس ..... لان صبوا دمعهم رسموا الاحزان
يخوية انه العقيلة ام الخدر زينب ..... عجيبة اشلون ابقى بلا حمة اوليان
على امتوني السياط اتصيح وين احماج ..... وبية جروحي تصرخ ياكمر عدنان
وينك ياخوية اليوم ......مسبية مابين الكوم
وعيني اعلى النهر تنحب
جم ليلة اعتلت دمع الحزن بينه ..... وجم عين التصد انه بحقد ارجاس
ما يدري اشعمل هذا الدهر ويله ...... حد انه المأسي بجورة وي الناس
نمشي وعثرة صار الحيل يتلوة ...... ومجامنة بغيابك خمدت انه انفاس
واحبال الحزن ما بيها رحمة وياي ...... شدت عالجفوف وصحت ياعباس
لوعات الهظم حدت ..... بحبال الحزن شدت
وعيني اعلى النهر تنحب
توجينة الدمع والاه كل الليل ...... خيم بالهظم والعين تترباك
عباس الصبر من عندي هد الحيل ..... ودمعي الغيرتك ياخوية ضل ينخاك
تعنيت النهر باحزان هم الليل ..... ولكيت الليل لابس اسود الفركاك
مرسومة صوركم بالدلال السور ..... هسة السور طاح وهم وكع وياك
جنت بالعز يخوية وياك ...... هذا اليوم بين اعداك
وعيني اعلى النهر تنحب
وكع كلبي يخوية اعلى النهر مرمي ..... واخوي حسين متوسد على الغبرة
نزيز الكاع من دمكم بنت انهار .... واجروف المنايا ابكل جرح عبرة
سالت من مصايبنة الطبيعة دموم .....ونزفت عالجرح لمصابنه الصخرة
لان شافت كواكب عالمنايا اتسيل ..... شبان وطفل محزوز من نحرة
وحركوها الخيم دونك ..... وتصد عيوني لعيونك
وعيني اعلى النهر تنحب
شفت دلالي سل صبرة على الدمعات ..... وصرخ صرخة امل ملكاك هالليلة
وطبك جفة الدهر بينه ترة بلياك ..... ومن عدنة العمر متمايل بحيلة
صرت انهض واطيح وتجوتي جروحي ..... ويعثرني الهظم بمرادفة بخيلة
وجدم خطواتي ياعباس تتلوة ........تميل وي المتن بالاه تبجيلة
وتحجي وياك مجروحة ...... خوية بونة مذبوحة
وعيني اعلى النهر تنحب
انه ام الخدر زينب ...... وعيني اعلى النهر تنحب
ودعتك ياعباس ..... بين العدا الارجاس
وعيني اعلى النهر تنحب
خادم اهل البيت عليهم السلام
foraten.net/?foraten.net/?foraten.net/?foraten.net/? رفيش
رد مع اقتباس
