مقتل فاطمة الزهراء.....ووصيتها بقلم زهير العقابي

• فاطمه بيا اسم صحتي من وكعتي؟
• صحتي بسم النبي الهادي لوبسم حيدر نطقتي
• عرش الله انكسر ظهره فاطمه بيوم انكسرتي
• بس رفعة ايدج والله يغضب لكن انتي مارفعتي
• والدمع شكك جفن الحسين فاطم من سقطتي
• والحسن يكسر الخاطر صدك يسأل وين رحتي
• وزينب بعبرتها تصرخ شبيج يمه شو سكتي؟
• ومن المدينه الصوت نادى ياعلي اشبيها بنتي
• وين حيدر ليش مكسورة ضلع صارت بضعتي
• وليش ياباب النبوه بيا جفوف انتي اندفعتي
• ما حميتي الزهره ياباب النبوه ونخلعتي
• اوين داحي البوب عنج جاوبيني ماخجلتي
• هاي ليله اشلون مرت ويا علي يمها صفنتي
• بيه صفنات وسوالف ويم هظيمة فاطمه انصبت دمعتي
• ومن اظل اذكر رزيتج وين اظم روحي اوصمتي
• بت نبينا بلا حجاب......رادوا ايطبون الها...شنهي مولاتي اشصنعتي
• ادري باب البيت التف اعلى راسج بيه انتي اتحجبيتي وما طلعتي
• وادري سر الكون عندج وابتدت اول جريمه من طرحتي
• وادري محسن جان يصبح سيف ويحامي الحسين وهاي ظنتي
• وادري سيف الذو الفقار جان كص الكون كله وما قبلتي
• وجن لسان الحال عندج ومن وصيتج وانت بالليل اندفنتي
• ياعلي اتكول الوصيه....فاطمه تدفنها ليلا ولا تغسلني ياحيدر انتي كلتي
• ولا تخلي العذبوني وحبسوا احزاني عليه واستكثروا حتى دمعتي
• لا تخليهم ياحيدر يوكفون اعلى الجنازه والبقيع اتصير مأوى الجثتي
• هاي محنه وبيها حيدر يمتحن ونفذ اركان الوصيه من طلبتي
• وفعلا الكرار نفذ وبليل حملوها الجنازه ويا جنازه الشيعوج اشلون جنتي
• حيدر او اولاده حملوها الجنازه والكون اظلم فاطمه من علي رحتي
• اندفنت الزهره الزجيه وكون يا دنيا بعدها ما كملتي
• يا محمد صاح حيدر....بلا ضلع رجعت الامانه ويا خجلتي
• هاي قصةفاطمه....وللماعرف قصة البضعه ارد اسولف قصتي
• بس اكيد الحزن ما سد بابه عنج فاطمه..ولو عرفتي اضعاف حزنج جا حزنتي
• حسين يا مولاتي ابنج..عل الترابه الراس مرمي والجسد منه افصلوه
• والعطش ناحر وريده وبالحوافر سحكوا اعلى ضلوعه مولاتي او ولوه
• كتلوا ابنه اكبال عينه وكطعوا جف العشيره موش جف عباس همه الكطعوه
• هذا جزء من المصيبه والمصيبه البدت لمن سلبوه
• اخذوا اعمامة الهادي وسلبو الخاتم البيده ..شنهي ذنب حسين مولاتي او عذبوه...؟
• يا خلافه الله وكبر ما نريدج...جم ضلع منك محمد كسروه
• باجر اكبالك ياربي احمل ابأيدي قضيتي وفكر شاعر حاربوه
• لان اني اعشق محمد وال بيته ما رضولي....وكالو الرافضي انته ..هذا اسمي السجلوه
• اي نعم والله انه الرافضي...ارفض اليكره الهادي وارفض الي يقبلوه
• احمل افكاري اعلى ايدي الروح مسلم ...العقل شيعي..وعندي حب ما يمسحوه.......
• وعندي حب ما يمسحوه
• حب علي وفاطمه بروحي والقلم يكتب شكر للي قروه..القلم يكتب شكر للي قروه

بقلمي زهيرالعقابي

السلام عليكم...عندي تصحيح لبيت من ابيات

هذا جزع من المصيبه والمصيبه البدت لمن سلبوه

القصيده وهو خطأ املائي
هذا جزء من المصيبه والمصيبه الي بذت من سبلبوه
شكري للجميع
زهير العقابي

[ام فيصل]

تم تصحيح البيت عزيزي

طيب الله انفاسك على هذه القصيدة المباركة
وجعلك الله ممن ينالون شفاعة المظلومة المهضومة
وجزاك الله عنا كل خير

مع اطيب تحياتي لك

بت نبينا بلا حجاب......رادوا ايطبون الها...شنهي مولاتي اشصنعتي
ادري باب البيت التف اعلى راسج بيه انتي اتحجبيتي وما طلعتي
وادري سر الكون عندج وابتدت اول جريمه من طرحتي
وادري محسن جان يصبح سيف ويحامي الحسين وهاي ظنتي
وادري سيف الذو الفقار جان كص الكون كله وما قبلتي
وجن لسان الحال عندج ومن وصيتج وانت بالليل اندفنتي
ياعلي اتكول الوصيه....فاطمه تدفنها ليلا ولا تغسلني ياحيدر انتي كلتي
ولا تخلي العذبوني وحبسوا احزاني عليه واستكثروا حتى دمعتي
لا تخليهم ياحيدر يوكفون اعلى الجنازه والبقيع اتصير مأوى الجثتي
هاي محنه وبيها حيدر يمتحن ونفذ اركان الوصيه من طلبتي
وفعلا الكرار نفذ وبليل حملوها الجنازه ويا جنازه الشيعوج اشلون جنتي
حيدر او اولاده حملوها الجنازه والكون اظلم فاطمه من علي رحتي
اندفنت الزهره الزجيه وكون يا دنيا بعدها ما كملتي
يا محمد صاح حيدر....بلا ضلع رجعت الامانه ويا خجلتي
هاي قصةفاطمه....وللماعرف قصة البضعه ارد اسولف قصتي


قصيده اكثر من رائعه
هذا النفس الشعري نادرا ما يوجد في ساحتنا الشعريه
ابداع واكثر من ابداع
والله يوفقك واتمنى تواصلك
ارجو تقبل مروري

اخوك امجدحميد

هذا جزء من المصيبه والمصيبه الي بدت من سلبوه

طيب الله انفاسك

اخذوا اعمامة الهادي وسلبو الخاتم البيده ..شنهي ذنب حسن مولاتي او عذبوه...؟ شنهي ذنب حسين مولاتي وعذبوه هذا تصحيح اخر بصراحه كنت فرحان وان اكتب او انزل القصيده على هذا المنتدى الرائع وما فرحتي الا لأن القصيده التي تخص ال بيت النبي ماهي الا توفيق من الله فوجدت هذه الاخطاء ارجوا قبول اعتذاري

اخذوا اعمامة الهادي وسلبو الخاتم البيده ..شنهي ذنب حسن مولاتي او عذبوه...؟

اخذوا اعمامة الهادي...وسلبوا الختم البيده شنهي ذنب حسين مولاتي عذبوه...؟


زهير العقابي

[ام فيصل]

تم التصحيح عزيزي للأبيات
تمنياتي لك بالتوفيف والإبداع الدائم

مع تحياتي لك

السلام على المظلومة الطاهره
سيدتي الكل هرعوا عندما كتبت
عن الحكومه والمالكي
ولم يستجيبوا لندائي
عندما كتبت عنكي
كنتي مظلومه...ولن يرفعوا الظلم عنكي