الواقع المرير للخريجين

السلام عليكم جميعا
موضوع منقول فيه الكثير من الواقعيه شنو رايكم انتو؟
اوصفلك وصف عن حالنه اليوم
واضربلك مثل من اوصف الحاله
حدايق من صدك ومعثر الحال
شباب بلا عمل عطاله بطاله
كبل خريج كالو والله مبخوت
مو هنياله بس مليار هنياله
اشو خريج هسه مكابل البيت
صبغ تكسي المخده وبنجر انعاله
جا المن تعبنه وندرس سنين
واحدنه بشهاده معلك اماله
ومن صارت صدك كلوله علخير
وهل بيته الدعت تترفه بجاله
مايدرون ابد مايلـــــكه تعيين
ولا يدرون دنيه وصفت دجاله
واذا راد يتعين شرطه او جيش
اليعلم والميعلم بيها ساواله
وسلك هذا الطريق وراح مجبور
ودخل بيها طرف وفلوس وداله
ولو مضمون هم ميخالف تهون
الجم ورقه الطلبهن راحن جماله
عسر بيه الوكت سواها فد نوب
يباوع بلمرايه يشوف تمثاله
بعد ما ضل صبر لا راي يختار
طلب منه الوكت يشتغل عماله
وشكرا
محمد الذرب

[ام فيصل]

صح لسانك يامحمد

هذا هو واقع حال الشباب الخريج للأسف الشديد

الله يكون بعونهم ويفرج عنهم -- حرام والله كفاءات جالسة وتنتظر رحمة الحكومة


قصيدة واقعية بالفعل -- يعطيك الف عافية عزيزي

[الجوريه الحمراء]

بالفعل يامحمد هذا هو حال الخريج, بس زين الشباب بلةتتعين لو بالشرطة لو بالجيش زين احنة البنات وين نتعين؟؟؟؟؟؟؟؟؟؟؟ بالمطبخ مو؟