البحور
يا قلم لا أتعبنه دام الاحبه
بالشعر عذبنه
شفت القلم شو ما كتب
واكف قلمنه اليوم ما
ساعدنه
ردت أوصل البحر الهوى
شفت البحر كامل وزن
غرگنه
ردت انه أقرأ أبمسيه
لن الدرب صاير طويل
و مو بسيط
وروحي چانت بالهزج
عل الوافر
أتقابلنه
ولمن سمع شعري زعل
كال ارجع
واكتب عدل
لن الفعل لا مو فعل
مستفعلن وبورقتي
مطبوع
ما وافقنه
نطقته انه وبالقلم
لمن نطق
لا ما حجه ألا الصدگ
كال اترك وانسه الشعر
وبمهنتك
طببنه
درب الشعر كلش صعب
وشلون تكدر على الوزن
هذا الشهم محمد ابن
كوكزنه
ينظر ألك نظره خجل
وأعله الخطأ
جاملنه
كتله انظر
وعوف الخجل
مو انه نصاري أكتبت
وهذا الوزن كلش صعب
خبلنه
شفت انه نفسي المتهم
مو بالشعر أي بالوزن
ضيعت نفسي أبمهنتي
وحار القلم وياي
وتحيرنه
وينك يا شاعرنه الورد
أسرع يخي الحك
يبو الكلفات
ما تسعفنه
أحضرني انه أبمشكله
مشكلتي انه بها لوزن
ومل القلم من إصبعي
ومللنه
سمعوني يا أهل الشعر
اكتب بعد لو اعتزل
ما ضل صبر
وين الخبر
تردوني افوج بهل البحر
لو اعتذر
رايد جواب ومنكم
أيفرحنه
سلام الدراجي