أطـلـق شـنـب يـرمـيـلـهـا الـغـتـره

[الحوت]

<!-- / stamps hack --><!-- message -->

يقول العاشق اللي غاص سيف الحب في صدره
دخل في خافقه سيف الغـرام بحـدّه العـاري

تجرّد مِن غماده واستوى فـي مهجتـي قبـره
يموت السيف في صدري ودمّي بالهوى جاري

علـى شـان الهنوف.الجادل.الشيهانه.المهـره
فتاةٍ فاتنه تفتن ليـا استولـت علـى الطـاري

عنودٍ عاندتنـي بالعيـون اللـي لهـا سكـره
عيون ٍ خادره ورموشها فيها الكسـل سـاري

انا أشهد لو تخز اطلق شنب يرمي لها الغتـره
وانا لبستها الغتـره وفيهـا زانـت اشعـاري

لها وصفٍ فريد ونالـت الإعجـاب والشهـره
محياها كما بـرق ٍ بوسـط المـزن سمـاري

من اجل أوصافها صخّر لها راع الهوى شعره
عظيم اوصافها يعجز بها الكاتب مـع القـاري

لها ثغر ٍ كما الجمره.مثل جمر الغضى ثغـره
تعظـه بالبـرد مـدري بياقـوتٍ و محـاري؟

أنا أدري معجزه في الكون والله راعي القـدره
خلق في ثغرها وصفٍ سواة الثلـج والنـاري

وياسبحان من ولّـف مابيـن الثلـج والجمـره
بوسط النار ثلج وصـار ثلـج ونـار سهـاري

غريبه مايذوب الثلج كيـف النـار مستعـره ؟
صداقه بين ثلج ونـار فيهـا الفكـر يحتـاري

صداقه صادقه قبل امس واليـوم وبعـد بكـره
مثل ماني مصادق صادقن صادق لي افكـاري

وانا ماكنت أصدق من يقول العشق من نظـره
وصدقت المثل بعد الغـرام و سِمـه الهـاري

حقيقة عاشق ٍ سيف المحبه غاص في صـدره
دخل في خافقه سيف الغـرام بحـدّه العـاري

وسلامتكم
وانشالله تحوز على رضاكم

سيدي
كلمات رقيقة مخملية اللون دافئة المعاني
دمت ودام قلمك

ولك مني اجمل امنياتي وارق تحياتي

\ديمه\