فراتــــــــــــــــي جديــــــــــد

[الشاعر ماجد الدعمي]

انه وعيون الفرات
والي وي الجاري سوالف !
وعفيه جاري شكثر يتحمل سوالف !
وشكثر عشاك اعتنوله
وسولفوله !!
ومافضح لحظه اسرارهم !
انه وعيون الفرات
وليل سكته
ووي كل روجه تجيني اخبارهم !
وعلمت روحي اشتكيله
ويافرات وعفيه خلكك
هاكثر يحمل سوالف !!
ويمسح دموع اليتامه
ويفرح لكل انسان يفرح
ويطرز عيون السلف !
وجكليت وملبس يوزع عل زغار !
واني بين جرءه ومستحاي
اعليه مديت ايدي ومانطاني

وكتله ليش اني همينه فراتي
كلي ادري . بس بعد توك جديد


تقبلوا تحياتي وهذه الملاطفه المرتجله

[محمد السوداني]

تحياتي الك ولكل فراتي مبدع
والفرات يرتوي من اقلامكم التي تنزف ابداعا وتألقا
سلمت يداك على هذه المرتجله الرائعه
تقبل مني كل الاحترام والتقدير

[مصطفى المالكي]

ماجد الشاعر

انه ونته ويه الفرات
ونهر يجري ويه السوالف
وانه عشكي ويه الفرات
عشك مجنون اشتهر بين الطوايف
وما اعوفه انته صدك
لني اوفي وياه حالف
وذا سموني جديد
اني قابل وما يخالف
تحياتي الك اخي العزيز ماجد الشاعر عذرا اذا كانت كلماتي ركيكه لانها وليدة الحظه

تحياتي العراقي

[ام فيصل]

يافراتي ياجديد

احسنت ياعزيزي والفرات يعتز بيك وبأمثالك من المتألقين

رائع ياماجد -- وارتجالية روعة

[الشاعر ماجد الدعمي]

1. الاخ محمد السوداني شكري واحترامي لشخصك الكريم ولمرورك الرائع وكلماتك الصادقه / ماجد الشاعر
2. حبيبي مصطفى تسام بعد اخوك وشكرا لهذا الابداع وللمرتجله الرائعه اسعدتني كلماتك
3. ام فيصل كل الغلا شكرا وممنون جدا منك يانخلة الرافدين ,..

[حيدر القريشي]

عمي والله لهنا وراح اسكت

لان الداخلين قبلي لهاي الصفحه

كلهم مبدعين ابتداء من ابو الموضوع

ونهايه بأم فيصل ...فراح اسكت واكلكم

تحياتي واحترامي الكم كلكم

[الشاعر ماجد الدعمي]

ولك مني ارق تحيه اخي حيدر دمت لنا اخا ومبدعا عزيز

[مسره]

الله يامبدعين تقبل مروري اخي ماجد كلماتك رائعه